جاپونيادا قارالى ۇيگە وسى زامانعى كوڭىل ايتۋ سالتقا ەنەتىن بولدى

استانا. قازاقپارات - كۇنشىعىس ەلىنىڭ جەرلەۋ بيۋروسى ءوز كليەنتتەرىنە جاڭا قىزمەت ءتۇرىن ۇسىنىپ وتىر.
None
None

ەندىگى جەردە ەڭ الدىمەن قارتتارعا قولايلى جاڭا قىزمەت تۇرىنە سايكەس جەرگىلىكتى تۇرعىندار دۇنيە سالعان تۋعان-تۋىسقاندارىمەن اۆتوكولىكتەن شىقپاي-اق قوشتاسۋىنا بولادى. ياعني، كوڭىل ايتۋ ءۇشىن ۇيگە كىرىپ جاتپايدى. مۇنى باسى ارتىق اۋرە كورىپ وتىر.

ەلدىڭ قاق ورتالىعىندا ورىن تەپكەن ناگانو پرەفەكتۋراسىنا قاراستى Kankon Sosai Aichi Group كومپانياسىنىڭ جوسپارى بويىنشا كوڭىل ايتۋعا كەلگەن ادام اۆتوكولىكتەن شىقپاي-اق ءوز ەسىمىن ارنايى ەكرانعا ەنگىزىپ، كوڭىل ايتۋ سالتىن جاساپ، ءبىر پارىزىن ورىنداپ كەتكەنىن بىلدىرە الادى.

بۇل جايىندا Agence France-Presse اقپارات كوزى حابار تاراتتى. تۋعان- تۋىسقاندارى دۇنيە سالعان اداممەن قوشتاسۋ زالىنا قويىلعان ەكران ارقىلى باقىلاي الادى. بۇل سالت 2017 - جىلدىڭ جەلتوقسان ايىنان باستاپ ەنگىزىلەدى.

ءسوز رەتى كەلگەندە ايتا كەتەيىك، جاپونداردىڭ جەرلەۋ يندۋسترياسى الەم بويىنشا وركەن جايعان يندۋستريالاردىڭ ءبىرى. مۇنى حالىقتىڭ قارتايۋ پروتسەسىمەن بايلانىستىرىپ تۇسىندىرەدى ساراپشىلار. اتالعان ەلدەگى ازاماتتاردىڭ %27 نىڭ جاسى 65 تەن اسىپ كەتكەن. 2050 -جىلعا قاراي بۇل كورسەتكىش 37 پايىزعا جەتپەك. جاپونياداعى جەرلەۋ سالاسىنداعى بيزنەسپەن اينالىسىپ جۇرگەندەر جىلىنا 16 ميلليارد دوللار تابىس تابادى ەكەن. سونداي-اق، دۇنيە سالعان ادامنىڭ سوڭعى ساپار ءراسىمىن روبوتتار اتقارادى.

 

 

 

سوڭعى جاڭالىقتار