قازاقستاندا بالالاردى ەرتە جاستان دامىتۋ باعدارلاماسى جۇمىسىن باستايدى

استانا. قازاقپارات - قازاقستاندا ب ۇۇ- نىڭ يۋنيسەف بالالار قورىنىڭ قولداۋىمەن بالالاردى ەرتە جاستان دامىتۋ باعدارلاماسى قولعا الىنباق.

قازىر دەنساۋلىق ساقتاۋ، ءبىلىم مينيسترلىگىنىڭ قىزمەتكەرلەرى مەن قور وكىلدەرىنەن قۇرىلعان توپ جوبانىڭ قالاي جۇزەگە اساتىنىن پىسىقتاۋدا.

 ۇلىتبريتانيانىڭ تاجىريبەسى نەگىزگە الىنعان. جوبا ىسكە اسسا، ەلىمىزدە بالانىڭ جاڭا تۋعان كەزىنەن باستاپ 3 جاسقا دەيىنگى ارالىقتا ەمحانا قىزمەتكەرلەرى ءار ءۇيدى ارالاپ، بالالاردىڭ دامۋ بارىسىن قاداعالايدى. ال 3-تەن 6 جاسقا دەيىن بالاباقشالاردا ارنايى تاربيەشى، پسيحولوگتار جۇمىس ىستەمەك.

 تاتيانا ادەريحينا، ق ر يۋنيسەف قورىنىڭ ءبىلىم بەرۋ جانە بالالار قۇقىعىن قورعاۋ باعدارلاماسىنىڭ ۇيلەستىرۋشىسى:

-  قازاقستاندا بالالاردى ەرتە جاستان دامىتۋعا ەندى عانا كوڭىل ءبولىنىپ وتىر. ازىرگە پاتروناجدى جۇيە عانا جۇمىس ىستەيدى. ماسەلەن،  قىزىلوردا قالاسىندا سەرپىندى جوبانى قولعا الدىق. يۋنيسەف قورى بالانىڭ تۋعاننان باستاپ 8 جاسقا دەيىن دۇرىس دامۋىنا ەرەكشە جاعداي جاساۋعا تالپىنىپ وتىر.

www.khabar.kz