11:08, 14 - قىركۇيەك 2017 | GMT +6
ا ق ش- تىڭ ءمينيسترى ءوزىنىڭ بال ايىنا ۇكىمەت ۇشاعىمەن بارعىسى كەلگەن
استانا. قازاقپارات - ا ق ش قارجى ءمينيسترى ستيۆەن منۋچين بيىلعى جازدا ءوزىنىڭ ايەلى لۋيز لينتونمەن بال ايىن وتكىزۋ ماقساتىندا ەۋروپاعا ۇشۋ ءۇشىن ۇكىمەت ۇشاعىن پايدالانۋعا سۇرانىس جىبەردى.
بۇل جايلى رەسمي دەرەك كوزدەرىنە سىلتەمە جاساعان ABC News حابارلايدى. حابارلامادا منۋچيننىڭ ا ق ش- تىڭ اسكەري اۋە كۇشتەرى ۇشاعىن شوتلانديا، فرانسيا جانە يتالياعا ۇشۋعا پايدالانعىسى كەلگەندىگى ايتىلعان. مۇنداي اۋە كەمەسىنىڭ ۇشۋى ساعاتىنا 25 مىڭ دوللارعا باعالانادى. ۆەدومستۆونىڭ باس ينسپەكتورى باسقارماسى منۋچيننىڭ بۇل ءوتىنىشىن ماقساتتى ەمەس دەپ تانىپ، قابىلدامادى.
