يراكتا رەسەيدەن شىققان «سودىردى» دارعا استى

استانا. قازاقپارات - يراك سوتى رەسەيدەن شىققان، «يسلام مەملەكەتى» (ي م) ەكسترەميستىك ۇيىمىنىڭ سودىرى دەگەن كۇدىككە ىلىنگەن ادامعا ءولىم جازاسىن كەسىپ، دارعا استى.

يراك بيلىگىنىڭ حابارلاۋىنشا، رەسەيلىك 12- قىركۇيەكتە موسۋل قالاسىنداعى وپەراتسيادا ۇستالعان.

اتى-ءجونى جاريالانباعان ەر ادام 2015-جىلدان بەرى يراك ۇكىمەتىنىڭ كۇشتەرىنە قارسى ۇرىستارعا قاتىسقان جانە باعداد ءولىم جازاسىنا كەسكەن العاشقى رەسەيدەن شىققان سودىر سانالادى.

France Press اگەنتتىگىنىڭ حابارلاۋىنشا، 28 جاستاعى رەسەيلىك تەرگەۋدە ماسكەۋدە ءجۇرىپ وزبەكستاننان كەلگەن جۇمىسشىلارمەن اڭگىمەلەردەن كەيىن يسلامدى قابىلداعانىن مالىمدەگەن.

اگەنتتىك اقپاراتىنا قاراعاندا، رەسەيلىك سودىر يراكقا بارعان سوڭ ەسىمىن ءابۋ ياسمين ءال-رۋسي دەپ وزگەرتىپ، موسۋلدا ۇستالعانعا دەيىن ۇرىستا جارالانعانىن ايتقان.

يراك ۇكىمەت كۇشتەرىنىڭ موسۋل مەن يراكتىڭ باسقا دا تەرريتورياسىن ازات ەتۋ وپەراتسياسى بارىسىندا ي م- ءنىڭ جۇزدەگەن سودىرى تۇتقىنعا تۇسكەن.

Reuters اگەنتتىگى بۇعان دەيىن يراك بيلىگى سودىرلاردىڭ 1400 گە تارتا ايەل، بالا-شاعاسىن ۇستاپ وتىرعانىن، ولاردىڭ كەيبىرى رەسەي، تاجىكستان جانە ازەربايجاننان شىققانىن حابارلاعان.

«ازاتتىق»