قانات يسلام جەلتوقسان ايىندا تاعى ءبىر جەكپە- جەك وتكىزۋى مۇمكىن
بۇل تۋرالى بوكسشى قازاقستان ۇلتتىق ارناسىنىڭ «تاڭشولپان» باعدارلاماسىنا بەرگەن سۇحباتىندا ءمالىم ەتتى.
«جالپى، كوماندامىزدىڭ جوسپارى بويىنشا جەلتوقسان ايىنىڭ ورتاسىندا تاعى ءبىر كەزدەسۋ وتكىزۋ جوسپاردا بار. ونى پروموۋتەرلەرىم شەشەتىن بولادى. ۇسىنىس جاساعان بوكسشىلار دا جەتكىلىكتى، مۇمكىن بولسا جاڭا جىلعا دەيىن تاعى ءبىر كەرەمەت بوكس كەشىن وتكىزەمىز»، - دەپ اتاپ ءوتتى قانات يسلام.
وسى ورايدا ايتا كەتەيىك، بۇگىن يسلامنىڭ تۋعان كۇنى. ول 1984-جىلى 13- قىركۇيەكتە شىڭجاڭ ۇيعىر اۆتونوميالى اۋدانى، التاي ايماعى، قابا اۋدانىندا دۇنيەگە كەلگەن.
ول - اۋەسقوي بوكستا جۇرگەندە قىتاي حالىق رەسپۋبليكاسىنىڭ ۇلتتىق قۇراماسىندا بەيجىڭ وليمپياداسى مەن چيكاگودا وتكەن الەم چەمپيوناتىنىڭ (2007) جانە ازيا ويىندارىنىڭ (2006) قولا جۇلدەگەرى اتانعان بولاتىن. قىتايدىڭ 10 دۇركىن چەمپيونى.
قانات يسلام تاريحي وتانىنا 2010-جىلى ورالىپ، قازىر كاسىپقوي بوكستا، نەلسون پروموۋتەرلىك كلۋبى اتىنان شارشى الاڭعا شىعىپ ءجۇر. قازىرگە دەيىن 25 جەكپە-جەك وتكىزىپ، بارلىعىندا جەڭىسكە جەتكەن. سوڭعى جەكپە-جەگىن 9- قىركۇيەك كۇنى استانادا برەندون كۋككە قارسى وتكىزىپ، تەحنيكالىق نوكاۋتپەن جەڭىسكە جەتكەن بولاتىن.
اۆتور: كۇنسۇلتان وتارباي
