داۋرەن ابايەۆ لاتىن ءالىپبيىنىڭ ۇسىنىلعان نۇسقاسىنا پىكىر ءبىلدىردى
«قازىرگى كەزدە لاتىن ءالىپبيىن ەنگىزۋ ماسەلەسىندە ءتيىمدى پىكىر الماسۋلار ءجۇرىپ جاتىر، ياعني الفاۆيتتىڭ ءبىز ءۇشىن قولايلى نۇسقالارى تالقىلانۋدا. جالپى العاندا، ءالىپبيدىڭ بارىنشا ىقشام بولعانىن قالايمىن جانە وسىعان بايلانىستى ۇسىنىلعان جوبانى قولداپ وتىرمىن»، - دەپ توقتالدى داۋرەن ابايەۆ سيفرلاندىرۋ ماسەلەلەرى جونىندەگى رەسپۋبليكالىق كەڭەس بارىسىندا تىلشىلەرگە بەرگەن ساۋالىندا.
بۇل تۇرعىدا مينيستر الداعى ۋاقىتتا ساراپشىلار مەن سالا ماماندارى الىپبيگە بايلانىستى قاجەتتى ۇسىنىستارىن جاسايتىنىن اتاپ ءوتتى.
«جەكە ارىپتەرگە قاتىستى ساراپشىلار تاعى پىسىقتاپ، ولاردى ءتيىمدى پايدالانۋدى قاراستىراتىن بولادى. اتاپ ايتقاندا، بۇل باعىتتاعى ماسەلە جالپىعا ورتاق تالقىلاۋعا شىعارىلدى جانە وسى ءۇشىن ۇسىنىستار مەن تولىقتىرۋلار ەنگىزۋگە تولىق جاعداي جاسالۋدا»، - دەدى داۋرەن ابايەۆ.
ەستەرىڭىزگە سالا كەتەيىك، بيىلعى 11- قىركۇيەكتە پارلامەنت ماجىلىسىندە «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ ءبىرىڭعاي ستاندارتىن ەنگىزۋ ماسەلەلەرى تۋرالى» پارلامەنتتىك تىڭداۋ ءوتتى. وندا لاتىن ءالىپبيىنىڭ ءبىرىڭعاي نۇسقاسى تانىستىرىلدى.
اۆتور: رۋسلان عابباسوۆ
