14:11, 13 - قىركۇيەك 2017 | GMT +5
عالىمدار: اشىعۋ شاشتىڭ وسۋىنە كومەكتەسەدى
استانا. قازاقپارات - اشىعۋ ارقىلى شاش قارقىندى وسەدى. مۇنداي شەشىمگە برازيليا عالىمدارى كەلگەن. زەرتتەۋ جۇمىسى Cell Reports جۋرنالىندا جاريالاندى.
ماماندار تىشقاننىڭ ەكى توبىن زەرتتەگەن. بىرىنشىسىنە تاعامدى از بەرىپ، ەكىنشىسىن كۇندەلىكتى قورەكتەندىرىپ وتىرعان. فيزيولوگيالىق تۇراقتى مولشەردەن %60 عانا قورەك پايدالانعان كەمىرگىشتەر التى اي ىشىندە ەكى ەسە جەڭىل بولىپ، تەرىسى قالىڭداعان جانە شاشى ءوسىپ، تىعىزدالعان. سونىمەن قاتار، العاشقى كەزدەگىمەن سالىستىرعاندا تەرىدەگى قان تامىرلارىنىڭ ۇزىندىعى دا ءۇش ەسەگە وسكەن.
عالىمداردىڭ پىكىرىنشە، تىشقاندار جاڭا قورەكتەنۋ رەجيمىنە ۇيرەنىپ، دەنەنىڭ قالىپتى جىلۋىن ۇستاپ تۇرۋدا از جىلۋ جوعالتاتىن بولعان.
ساراپشىلار تىشقاندارعا ارنالعان شەشىمدەر ادامدارعا دا سايكەس كەلەتىندىگىن ايتىپ وتىر.
دەرەككوز: Lenta.ru
