ءبىز لاتىنعا كوشۋ ارقىلى تۇركى تىلدەس حالىقتارعا ءبىر قادام جاقىندايمىز - سەرىك قيرابايەۆ
«لاتىن الىپبيىنە ءوتۋىمىز كەرەك - ول انىق دۇنيە. مەن بۇل باستامانى قولدايمىن. ءبىز ول ارقىلى تۇركى تىلدەس حالىقتارعا ءبىر قادام جاقىندايمىز. تۇركى حالىقتارىنىڭ مادەنيەتى، سوزدىك قۇرامى لاتىن الىپبيىندە جازىلعاندىقتان، ولاردى زەرتتەۋ دە وڭايعا تۇسەدى. ءتۇپ نەگىزىندە لاتىن الىپبيىنە كوشۋ - تۇركى تىلدەس باۋىرلارمەن تولىق ىنتىماقتاستىق ورناتۋمەن تەڭ. نەگىزى بۇرىن ءبىز دە لاتىن الىپبيىندە جازىپ، وقىعانبىز. سول كەزدە جازىلعان قانشاما جادىگەرلەر زەرتتەلمەي نەمەسە اۋدارمانىڭ ارقاسىندا ءوز قۇندىلىعىن جوعالتىپ الدى ەمەس پە؟! ماڭگى ەل بولامىز دەسەك، وندا ءبىز ماڭگى قالاتىن ءتىلىمىزدى، ءالىپبيىمىزدى جاساۋىمىز كەرەك. بۇل جۇمىستى وتە مۇقيات جانە قوعاممەن ساناسا وتىرىپ جۇرگىزسەك، جاقىن ارادا ناتيجەسىنە جەتەمىز دەپ ويلايمىن»، - دەپ اتاپ ءوتتى سەرىك قيرابايەۆ.
