ەكسپو-دان سوڭ ازىق-تۇلىك قۇنى قىمباتتاۋى مۇمكىن بە؟

استانا. قازاقپارات - ۇلتتىق ەكونوميكا ءمينيسترى ەكسپو كورمەسىنەن كەيىن بارلىعى قىمباتتايدى دەگەن حالىق ۋايىمىنا قاتىستى پىكىر ءبىلدىردى.

تيمۋر سۇلەيمەنوۆتىڭ سوزىنشە، الداعى ايدا ازىق- تۇلىك كەرىسىنشە ارزانداۋى ءتيىس. بۇل تۋرالى ك ت ك حابارلايدى.

ال ەل اراسىنداعى اڭگىمە، جەكەلەگەن ەكونوميستەردىڭ نەگىزسىز بولجامى كورىنەدى. ولار كورمە الدىندا دا قوناقتار كەلگەندە بارلىعى قىمباتتايدى دەپ قارا اسپاندى توندىرگەن دەيدى سۇلەيمەنوۆ.

مينيستر، ەشبىر مەملەكەتتىك مەكەمە دۇكەندەگى باعالاردى ۇستاپ تۇرۋمەن اينالىسپايتىنىن العا تارتىپ، الىپ- قاشپا اڭگىمەگە سەنبەۋگە شاقىردى. 8 ايدىڭ قورتىندىسى بويىنشا ينفلياتسيا دەڭگەيى 7 پايىزدى قۇراسا، ازىق- تۇلىك باعاسى بويىنشا دەفلياتسيا ياعني كەرىسىنشە 0,9 پايىزعا تومەندەۋ بايقالىپتى. جانە ءىشىپ- جەمنىڭ ارزانداۋى الداعى ايدا دا جالعاسادى دەپ سەندىردى شەنەۋنىك.

«ازىق- تۇلىك سەبەتىن الساق، كەرىسىنشە باعانىڭ تومەندەگەنىن بايقايمىز. ارزانداۋ ءالى ءبىر اي جالعاسادى. ءبىزدىڭ بولجام بويىنشا ديفلياتسيا قىركۇيەكتە دە جۇرەدى. سوندىقتان الاڭداۋعا نەگىز جوق. اۋىل شارۋاشىلىعى مينيسترلىگى، اكىمدىكتەردىڭ باياندامالارىنان 19 ميلليون توننا استىق بارىن ەستىدىك. نان باعاسى ءۇشىن الاڭداماساڭىزدار بولادى»، - دەيدى

ق ر ۇلتتىق ەكونوميكا ءمينيسترى تيمۋر سۇلەيمەنوۆ.