قازاق ءتىلىن لاتىن الىپبيىنە اۋىستىرۋ ءۇشىن قانشا قاراجات بولىنەتىنى انىقتالدى
بۇل تۋرالى Sputnik قازاقستان حابارلايدى.
سەيسەنبى كۇنى ق ر پارلامەنتى ماجىلىسىندە 2018-2020 -جىلعا ارنالعان رەسپۋبليكالىق بيۋدجەت جوباسىنىڭ پرەزەنتاتسياسى ۇسىنىلدى. پرەزەنتاتسيا ماتەريالدارىنا سايكەس، لاتىن الىپبيىنە كوشۋ ءۇشىن رەسپۋبليكالىق بيۋدجەتتەن 2018 -جىلى 300 ميلليون تەڭگە بولىنسە، قالعان 300 ميلليون تەڭگەنى 2019 -جىلى ءبولۋ قاراستىرىلعان.
قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ءوزىنىڭ «بولاشاققا باعدار: رۋحاني جاڭعىرۋ» اتتى ماقالاسىندا 2017 -جىلدىڭ اياعىنا دەيىن عالىمدار مەن جۇرتشىلىقتىڭ كومەگىمەن جاڭا گرافيكاداعى قازاق ءالىپبيىنىڭ بىرتەكتى ستاندارتىن قابىلداۋدى تاپسىرعان بولاتىن.
پرەزيدەنتتىڭ ايتۋىنشا، 2018 -جىلدان باستاپ، جاڭا ءالىپبيدى وقىتاتىن ماماندار مەن ورتا مەكتەپتەرگە ارنالعان وقۋلىقتاردى دايىنداۋ كەرەك. 2025 -جىلعا قاراي قازاقستاندا لاتىن الىپبيىنە كوشۋ جاپپاي ورىن الۋى ءتيىس.
