ا ق ش ازاماتى استاناعا كوشىپ كەلۋدى ارماندايدى
مانحەتتەندەگى روكفەللەر ورتالىعىنداعى كەڭسە، ساۋلەتتى ءۇي، داۋلەتتى ءومىر. ءبىراق دەۆيد ۆالەرا ءۇشىن مۇنىڭ ەشقايسىسى استاناداعى جاعىمدى احۋالدى الماستىرا المايدى. ول ەكسپو كورمەسى كەزىندە ەلىمىزدە ەكى اي بولىپ، ابدەن باۋىر باسقانعا ۇقسايدى. ا ق ش- قا ورالعانىمەن، قازاق دالاسىن جادىنان شىعارا الار ەمەس. كۇن سايىن استاناعا قايتا بارۋدى ارماندايدى. ءتىپتى قازاقستاننىڭ وركەندەۋىنە قارجى سالۋعا نيەتتى. ونىڭ ىشىندە وتاندىق مەديتسينانى دامىتۋعا ارنالعان بىرنەشە جوبانى جۇزەگە اسىرۋ جوسپارى دا بار. وسىلايشا قازاقستاندىقتاردىڭ دەنساۋلىعىن نىعايتۋعا ۇلەسىمدى قوسقىم كەلەدى دەيدى امەريكالىق بيزنەسمەن.
«بۇعان دەيىن استانادا بولعانمىن. ءبىراق وسى جولعى سەزىم مۇلدە بولەك. جاڭا اۋەجاي، ونداعى ءتۇرلى تىلدە سايراعان جاستار. بارلىعى وتە جوعارى دەڭگەيدە. پوليتسيا قىزمەتكەرلەرى دە جىلى شىراي تانىتىپ، كومەك بەرۋگە ءاردايىم دايىن ەكەنىن كورسەتتى. ال ەكسپو- عا كەلگەندە قازاقستاننىڭ پاۆبيلونى ەڭ ۇزدىگى ەدى. شىنىدان جاسالعان شار كورمەنىڭ «بولاشاقتىڭ ەنەرگياسى» دەگەن تاقىرىبىن اشا تۇسكەندەي بولدى. العان اسەرىمدى بىردەن الەۋمەتتىك جەلىدە جاريالادىم»، - دەيدى امەريكالىق كاسىپكەر دەۆيد م. ۆالەرا.
