عالىمدار شىلىمنىڭ وكپە ىسىگىن قالاي قوزدىراتىنىن انىقتادى

استانا. قازاقپارات - امەريكالىق عالىمدار تەمەكى شەگۋدىڭ وكپە ىسىگىن قالاي دامىتاتىنىن ءتۇسىندىردى.

زەرتتەۋ جۇمىسى Cancer Cell-دە جاريالاندى، دەپ حابارلايدى ا ق ش- تىڭ دجونس حوپكينس ۋنيۆەرسيتەتى.

ساراپشىلاردىڭ پايىمداۋىنشا، تەمەكى ءتۇتىنى تىنىس الۋ جولدارىن قالىپتاستىراتىن جاسۋشالاردا ەپيگەنەتيكالىق وزگەرىستەر تۋدىرادى. ەڭ سوڭىندا وكپە ىسىگىنىڭ پايدا بولۋىنا جول اشادى، دەپ جازادى لەنتا. رۋ.

«تەمەكى شەگۋ ەپيگەنەتيكالىق وزگەرىستەرگە نەگىز بولادى، بۇل ءبىزدىڭ بولجامىمىز بويىنشا، وكپە ىسىگىنىڭ قاتەرىن ارتتىرادى. سوندىقتان ەگەر ءسىز تەمەكى شەكپەيتىن بولساڭىز، اتالمىش اۋرۋعا شالدىعۋ مۇمكىندىگى وتە از»، - دەپ اتاپ ءوتتى تەڭ اۆتور ستيۆەن بايلين.

مودەلدىك ۇلگىنىڭ ساراپتاماسى كورسەتكەندەي، تەمەكى ءتۇتىنى وكپە جاسۋشالارىنا تۇسكەننەن كەيىن ون كۇن ىشىندە انومالدىق پروتسەستەر (د ن ق- نىڭ زاقىمدانۋى) باستالادى.

ەپيگەنەتيكالىق وزگەرىستەردى جيناقتاۋ 10-15 ايدان كەيىن كۇردەلى بولادى (20-30 جىل بويى تەمەكى شەگۋمەن تەپە-تەڭ).