دۋلىعا اقمولدا حالىقارالىق كينوفەستيۆالدە ۇزدىك اكتەر اتاندى - فوتو
رەجيسسەر ءسابيت قۇرمانبەكوۆتىڭ «ورالمان» فيلمىندە باستى ءرولدى سومداعان اكتەر دۋلىعا اقمولدا 5 جانە 11 -قىركۇيەك ارالىعىندا تاتارستاندا وتكەن XIII حالىقارالىق مۇسىلماندار كينوسى فەستيۆالىندە «ۇزدىك ەر ادام ءرولى» جۇلدەسىمەن ماراپاتتالدى.
«ورالمان» ءفيلمى تۋعان جەرىنەن كەتۋگە ءماجبۇر بولعان، الايدا ونداعان جىلدار وتكەن سوڭ اۋعانستاننان ەلىنە قايتا ورالعان قانداستارىمىز جايلى.
- تولىقمەتراجدى كارتينالاردا سومداعان رولدەرىم ىشىندەگى بۇل مەنىڭ العاشقى جەڭىسىم، وتە قۋانىشتىمىن. بۇل تەك مەنىڭ عانا تابىسىم ەمەس، رەجيسسەر ءسابيت قۇرمانبەكوۆتىڭ، وپەراتور مارس وماروۆتىڭ، قويۋشى سۋرەتشى، كومپوزيتوردىڭ، سونىمەن قاتار بارلىق ءتۇسىرۋ توبىنىڭ ەڭبەگى. ولاردىڭ بارلىعىنا العىسىمدى بىلدىرە وتىرىپ، وسى جەڭىسپەن قۇتتىقتايمىن، - دەدى اكتەر دۋلىعا اقمولدا.
قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاقفيلم» كينوستۋدياسى تۇسىرگەن اتالمىش فيلم وسى فەستيۆالدىڭ نەگىزگى بايقاۋىندا 10 تولىقمەتراجدى كارتينامەن باق سىناستى. جالپى فەستيۆالگە قاتىسۋعا 61 ەلدەن 782 فيلم ۇسىنىس تاستاعان.
ايتا كەتسەك، فەستيۆالدىڭ «ۇزدىك فيلم» جۇلدەسىن تۇرىك رەجيسسەرى مۇستافا قارانىڭ «كالاندرا ىزعارى» ءفيلمى، ال «ۇزدىك رەجيسسەر» جۇلدەسىن ءۇندى رەجيسسەرى مانگەش دجوشي («دجوشي جونۋشى» ءفيلمى ءۇشىن) يەلەندى. رەسەيدىڭ ەكى كارتيناسى دا جۇلدەلى ورىنداردان كورىندى «امۋن» فيلمى «ۇزدىك ستسەناريي» جۇلدەسىمەن ماراپاتتالسا، «سوفيچكا» ءفيلمىنىڭ وپەراتورى ايرات ياميلوۆ ۇزدىك وپەراتور اتاندى. ال «ۇزدىك ايەل ادام ءرولى» جۇلدەسى «ايەل كۇنى» فيلمىنىڭ ءۇش اكتريساسىنا بۇيىردى.
اتالمىش حالىقارالىق مۇسىلماندار كينوسى فەستيۆالى - 2005 -جىلدان بەرى تاتارستاندا وتكىزىلىپ كەلە جاتقان رەسەيدىڭ ءىرى كينوفەستيۆالدەردىڭ ءبىرى.
ەستەرىڭىزگە سالا كەتسەك، «ورالمان» كوركەم ءفيلمى وسى جىلدىڭ باسىندا يراننىڭ استاناسى تەگەراندا وتكەن 35- حالىقارالىق فادجر كينوفەستيۆالىندە باس جۇلدەنى، سونىمەن قاتار XIII حالىقارالىق «ەۋرازيا» كينوفەستيۆالىندە باس جۇلدەسىن جەڭىپ العان بولاتىن.
«ورالمان» كوركەم فيلمى 15 -قىركۇيەكتەن باستاپ ەلىمىزدە پروكاتقا شىعادى.
