دارىلىك شوپتەردى جيناپ، قىتايعا ساتاتىن اۋعاندىقتار ۇستالدى
بۇل تۋرالى سارىاعاش شەكارا بەكەتىنىڭ باسپا ءسوز قىزمەتى مالىمدەدى، دەپ حابارلايدى قازاقپارات ح ا ا ءتىلشىسى.
«سارىاعاش شەكارا وتريادىنىڭ قىزمەتكەرلەرى سارىاعاش اۋدانى بويىنشا ۇ ق ك اپپاراتىمەن بىرلەسىپ، وسى اۋدانعا قاراستى ساتتاروۆ ەلدى مەكەنىنەن 18 شاقىرىم جەردە كوشى-قون زاڭناماسى ەرەجەسىن بۇزعان اۋعانستاننىڭ 32 ازاماتىن قولعا ءتۇسىردى. ولار مەملەكەتتىك شەكاراعا جاقىن جەردەن ساسىق قۋراي دارىلىك ءشوپتى تەرىپ جۇرگەن. ۇستالعانداردىڭ قۇجاتتارىن تەكسەرۋ بارىسىندا ولارعا تەك جۇمىس ىستەۋگە عانا رۇقسات بەرىلگەنى انىقتالدى»، دەپ ءمالىم ەتتى ق ر ۇ ق ك ش ق باسپا ءسوز قىزمەتى.
اۋعاندىقتار بۇل اۋماقتا جۇرگەنىنە ءبىر ايعا جۋىقتاپتى. سودان بەرى جينالعان شوپتەردى قىتايعا وتكىزىپ، تابىس تاپپاق بولعان. ونىڭ تونناسى 20 مىڭ ا ق ش دوللارى تۇرادى. قازىر ناقتى قانشا وسىمدىك جينالعانى انىقتالىپ جاتىر. ال، شەتەلدىكتەر سارىاعاش اۋداندىق ءى ءى ب تاپسىرىلعان.
ايتا كەتەيىك، بۇل اۋعاندىقتاردىڭ العاش رەت ۇستالۋى ەمەس. بۇعان دەيىن شەكاراشىلار سارىاعاش اۋدانىنىڭ بوزارىق اۋىلىندا اتالعان دارىلىك شوپتەردى تەرىپ جۇرگەن 19 شەتەلدىكتى ۇستاپ، ەلدەرىنە قايتارعان بولاتىن.
اۆتور: اينۇر اقبايەۆ
