ديماش قۇدايبەرگەن ءوزىنىڭ ستيليسىن تانىستىردى - فوتو

استانا. قازاقپارات - ءانشى ديماش قۇدايبەرگەن ءوز جانكۇيەرلەرىنە قىتايداعى ءستيليسىن تانىستىردى، دەپ حابارلايدى قازاقپارات.

«تانىس بولىڭىزدار، ەڭ كەرەمەت ستيليست - چي!!! مەنىڭ وبرازدارىما جاۋاپتى جىگىت»، - دەپ جازدى ول ينستاگرامداعى پاراقشاسىنا.

ەسكە سالايىق، چي «Singer 2017» جوباسىنا قاتىسقان قازاقستاندىق ءانشىنىڭ ءستيليستى بولدى. ديماش بايقاۋدىڭ ءار كەزەڭىنە جاڭا وبرازدا شىعىپ وتىردى. ونىڭ ءار كەزدەگى ءستيلى ميلليونداعان جانكۇيەرلەرى مەن ب ا ق وكىلدەرىنىڭ نازارىندا بولدى. «Singer 2017» بايقاۋىنىڭ گالا- كونتسەرتىنەن كەيىن ديماش قۇدايبەرگەن ءوزىن الەمگە تانىتقان جوباعا، قولعابىس كورسەتكەن ادامدارعا، سونىڭ ىشىندە ءستيليستى چيگە العىسىن ايتقان بولاتىن.

جاس ءانشىنىڭ قىتايلىق جوباداعى كيىم ۇلگىسىنە، سونداي-اق قازاقستاندىق ديزاينەرلەر دە ءوز باعاسىن بەرگەن بولاتىن. ماسەلەن، ينوم اكادجان ديماشتىڭ بايقاۋعا دەيىنگى كيىم كيىسى وتە قاراپايىم بولعانىن ايتۋدا. ونىڭ گاردەروبى: شالبار، پيدجاك، اق كويلەك، گالستۋك نەمەسە بابوچكادان تۇردى.

ستيليست ايدا ەسەنالينا دا ءانشىنىڭ جاڭا كەيپىنە تاڭ تاماشا. ول ەلدىڭ ەڭ ۇزدىك داۋىسىنىڭ لايىقتى وبرازى پايدا بولعانىنا قۋانىشتى ەكەنىن جەتكىزدى.