ا ق ش قازاقستاندىقتاردىڭ ەسەپ- شوتتارى تۋرالى اقپارات بەرىپ تۇرۋعا كەلىستى

استانا. قازاقپارات - ق ر قارجى ءمينيسترى باقىت سۇلتانوۆ پەن ا ق ش- تىڭ قازاقستانداعى ەلشىسى دجوردج كرولل ەكى ەلدىڭ ۇكىمەتتەرى اراسىنداعى حالىقارالىق سالىق ءتارتىبىن جەتىلدىرۋ تۋرالى كەلىسىمدى راسىمدەدى، دەپ حابارلايدى قازاقپارات ءتىلشىسى.

 مينيستر سۇلتانوۆتىڭ ايتۋىنشا، اتالعان قۇجات - ۇزاق ءارى كۇردەلى جۇمىستىڭ ناتيجەسى. ونىڭ اياسىندا قازاقستان مەن امەريكا سالىقتان جالتارىپ جۇرگەن ازاماتتار مەن ولاردىڭ ەسەپ- شوتتارى تۋرالى اقپاراتپەن الماساتىن بولادى.

 «بۇل جۇمىس وسىدان بىرنەشە جىل بۇرىن امەريكا قۇراما شتاتتارىنىڭ باستاماسىمەن باستالعان بولاتىن. ەندى، مىنە، بۇگىن ءبىز ارنايى كەلىسىمگە قول قويىپ وتىرمىز. قازاقستان ءوز تاراپىنان بارلىق امەريكالىق كومپانيالار مەن جەكە تۇلعالاردىڭ جەكە شوتتارىنداعى اقشا تۋرالى اقپاراتتى امەريكاعا جىبەرەدى. ءدال سونداي اقپارات بىزگە دە كەلەدى. ءبىراز جىلدان ءبىز جالپىعا ورتاق دەكلاراتسيالار جايىندا ايتىپ جاتىرمىز عوي. سىرتتا جۇرگەن قازاقستاندىق ازاماتتاردىڭ اقشاسىن قالاي باقىلايمىز؟ سالىق راسىمدەۋ جاعى قالاي بولادى؟ بۇگىنگى قۇجات - سول جۇيەلى شارالاردىڭ ءبىرى»، - دەپ اتاپ كورسەتتى ب. سۇلتانوۆ.

ءوز كەزەگىندە ەلشى كرولل العىس ءبىلدىرىپ، ا ق ش- تا وسى سالاداعى جۇمىستىڭ «شەتەلدىك ەسەپ- شوتتارعا سالىق سالۋ» تۋرالى زاڭنىڭ اياسىندا جۇرگىزىلەتىنىن جەتكىزدى. «ال اقپارات الماسۋ ارقىلى ءبىز وففشوردىڭ كومەگىمەن سالىقتان جالتارۋ ارەكەتتەرىمەن كۇرەسە الامىز. بۇگىنگى كەلىسىم دە وسى سالاداعى ىنتىماقتاستىقتىڭ، سالىقتىق ءتارتىپتى ورناتۋعا دەگەن ورتاق قۇلشىنىستىڭ كورىنىسى بولسا كەرەك»، - دەپ اتاپ كورسەتتى كرول.

 اۆتور: ارمان اسقاروۆ