يممۋنيتەتتى كۇشەيتۋ ءۇشىن

 استانا. قازاقپارات - الداعى سۋىق مەزگىلدەرگە اعزانى بىردەن دايىنداۋ قاجەت. دەنىڭىزدىڭ ساۋلىعىنا بۇگىننەن الاڭداماساڭىز، ەرتەڭ سۋىق تيگىزگەن سوڭ كەش بولادى.

 باستىسى دۇرىس تاماقتانىپ، سپورتپەن شۇعىلدانىڭىز. اس قورىتۋ جۇيەسىن رەتتەڭىز. ىشىمدىك پەن تەمەكىدەن، سونىمەن قاتار تۇزدى، مايلى، كەپتىرىلگەن تاعامداردى ازايتىڭىز. جەكە گيگيەنالىق تازالىقتى ساقتاڭىز. ەڭ ماڭىزدىسى، كۇلىپ ءجۇرۋدى ۇمىتپاڭىز. سترەسس، دەپرەسسيالىق جاعدايلار دا يممۋنيتەتتى وتە السىرەتەتىنىن عالىمدار دالەلدەدى. اعزانى قاجەتتى تاعامدارمەن قورەكتەندىرۋ ارقىلى دا يممۋنيتەتتى ءبىر قالىپتا ۇستاۋعا بولادى.

 سارىمساق. تۇماۋعا، باكتەرياعا، ۆيرۋسقا، زيانكەستەرگە، ىسىككە قارسى تۇراتىن بىردەن- ءبىر امبەباپ قۇرال. ءبىرىنشى دۇنيەجۇزىلىك سوعىس كەزىندە سارىمساقتى انتيبيوتيك رەتىندە دە قولدانعان. وسى جايدان كەيىن عانا قۇرامىندا انتيبيوتيك قىزمەتىن اتقاراتىن الليل كۇكىرتتى مەتيل بار ەكەنى انىقتالعان. سول سەبەپتى سارىمساقتى تەك يممۋنيتەت كوتەرۋ ءۇشىن ەمەس، سۋىق تيۋ مەن تۇماۋعا قارسى دا قولدانۋعا بولادى.

 قىزىلشا. ونىڭ قۇرامىندا س دارۋمەنى مەن مارگانەتس كوپ. مارگانەتس لەيكوتسيت قىزمەتىن جاقسارتىپ، يممۋنيتەتتى ارتتىرۋعا كومەكتەسەدى.

اسقاباق. يممۋنيتەتتى كوتەرەتىن ا دارۋمەنى مەن بەتا- كاروتيننىڭ ناعىز قاينار كوزى. اسقاباق ورنىنا ءسابىز نە قۇرما قولدانۋعا دا بولادى. الما. ونىڭ قۇرامىندا انتيوكسيدانت پەن قابىنۋعا قارسى نارسەلەر بار. سوندىقتان بۇل رەتتە المانىڭ دا كومەگى مول. كوك شاي. قۇرامىنداعى انتيوكسيدانتتار راك تالشىقتارى ءوسۋىن توقتاتادى. ال دارۋمەندەرى ينفەكتسيامەن كۇرەسۋگە سەپتىگىن تيگىزەدى.

تاۋىق ەتى. باسقا دا مايسىز قۇس ەتتەرىن اتاۋعا بولادى. ولار اقۋىزعا باي، ال اقۋىزسىز يمۋنيتەتتى كوتەرەمىن دەۋ بوس اۋرەشىلىك. اقۋىز ىدىراپ، امينقىشقىلدارىنا اينالادى، سونىڭ ارقاسىندا جاڭا لەيكوتسيتتەر تۇزىلەدى. بادام (ميندال) . ول اعزانى سەلەنمەن، پايدالى مايمەن جانە ە دارۋمەنىمەن بايىتادى.

Massaget.kz