17:41, 11 - قىركۇيەك 2017 | GMT +5
يسلام ىنتىماقتاستىق ۇيىمىنىڭ كەلەسى سامميتى تاشكەنتتە وتەدى
استانا. قازاقپارات - يسلام ىنتىماقتاستىق ۇيىمىنىڭ 2- سامميتى 2020 -جىلى تاشكەنتتە وتەدى. بۇل تۋرالى بۇگىن ي ى ۇ سامميتى اياسىندا وتكەن باسپا ءسوز ءماسليحاتىندا قازاقستاننىڭ ي ى ۇ جانىنداعى تۇراقتى وكىلى باقىت باتىرشايەۆ ءمالىم ەتتى، دەپ حابارلايدى قازاقپارات.
«رەسمي تاشكەنتتىڭ ي ى ۇ- نىڭ كەلەسى ءسامميتىن وزبەكستاندا وتكىزۋ ۇسىنىسىنا قاتىستى ايتارىم، بۇل ۇلكەن جەتىستىك دەپ ساناۋعا بولادى. ويتكەنى، ءبىر ۇلكەن باستامانى ەكىنشى ەلدىڭ قولداۋى وتە دۇرىس قادام. 2020 -جىلى تاشكەنتتە وتكىزۋ ۇسىنىسىنا جالپى قولداۋ بار»، - دەدى ول.
باتىرشايەۆتىڭ سوزىنە قاراعاندا، ول استانا دەكلاراتسياسىندا انىق جازىلعان. «ەندىگى رەتتە ونىڭ كۇنتارتىبىنە، مازمۇنىنا، سونىمەن قاتار جيىندا قانداي ماسەلەلەر كوتەرىلەتىندىگى قاتىستى پروتسەدۋرالىق جۇمىستار جۇرگىزىلەدى. ەكىنشى سامميتكە دەيىن ءبىراز اۋقىمدى جۇمىس اتقارىلادى. جالپى، استانا دەكلاراتسياسىندا بۇل ماسەلە انىقتالعان»، - دەدى قازاقستاننىڭ ي ى ۇ جانىنداعى تۇراقتى وكىلى.
اۆتور: مارلان جيەمباي
