لاتىن الىپبيىنە كوشۋ اياسىندا جەكە قۇجاتتار اۋىستىرىلا ما
«ارينە، بۇل شارا اسا وزەكتى جانە ءاربىر ازاماتقا قاتىستى. ونىڭ اياسىندا جەكە كۋالىكتەر دە اۋىستىرىلادى. الايدا ول جۇمىس بىرتىندەپ اتقارىلادى. ماسەلەن، قازىرگى قۇجاتتار جازىلعان مەرزىمىنە دەيىن دە جارامدى بولادى. ۋاقىتى اياقتالعاندا اۋىستىرىلادى»، - دەدى ۇكىمەت باسشىنىڭ ورىنباسارى ەربولات دوسايەۆ بۇگىن لاتىن ءالىپبيىنىڭ ءبىرىڭعاي ستاندارتىن تانىستىرۋعا ارنالعان پارلامەنتتىك تىڭداۋدا.
ونىڭ ايتۋىنشا، ءبىرىڭعاي ستاندارت بەكىتىلگەن بويدا ءبىلىم بەرۋ سالاسىنا قاتىستى ءبىراز شارالاردى اتقارۋ قاجەت. الدىمەن مامان دايارلاۋ ماسەلەسىنە باسا نازار اۋدارعان ءجون. وسىدان كەيىن ول ءبىلىمدى حالىق اراسىندا كەڭىنەن تاراتۋ قاجەت.
«وسى ورايدا لاتىن ءالىپبيىن مەڭگەرۋ بويىنشا وقۋ- ادىستەمەلىك قۇرالداردى، موبيلدى قوسىمشالار مەن اقپاراتتىق باعدارلامالاردى شىعارعان ماڭىزدى. اتالعان شارالاردىڭ بارلىعى ۋاقىتىنا قاراي ۇيلەستىرىلەدى جانە ءبىر- بىرىمەن بايلانىستىرىلادى. وسىنىڭ ارقاسىندا ءبىز لاتىن ءالىپبيىن جۇيەلى تۇردە ەنگىزە الامىز»، - دەپ اتاپ كورسەتتى ۇكىمەت باسشىسىنىڭ ورىنباسارى.
ايتا كەتەيىك، بۇگىن ق ر پارلامەنتى ماجىلىسىندە شاياحمەتوۆ اتىنداعى تىلدەردى دامىتۋدىڭ رەسپۋبليكالىق ورتالىعىنىڭ ديرەكتورى ەربول تىلەشوۆ لاتىن ءالىپبيىنىڭ ءبىرىڭعاي نۇسقاسىن تانىستىردى.
اۆتور: ارمان اسقاروۆ
