قازاقستان مەن فرانسيا عارىش پەن قورعانىس ونەركاسىبىندەگى ىنتىماقتاستىقتى كەڭەيتەدى
سونداي- اق، كەلىسسوزدەرگە فرانسيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى فرانسيس ەتەن مەن فرانسياداعى قازاقستاننىڭ توتەنشە جانە وكىلەتتى ەلشىسى نۇرلان دانەنوۆ قاتىستى، دەپ حابارلايدى ق ر ق ا ءو م باسپا ءسوز قىزمەتى.
كەزدەسۋ بارىسىندا قازاقستان مەن فرانسيانىڭ ستراتەگيالىق سەرىكتەستەرى بولىپ تابىلاتىن عارىش سالاسىنداعى قارىم- قاتىناستى نىعايتۋ جانە كەڭەيتۋ ماسەلەلەرى تالقىلاندى. 2009 - جىلى فرانسۋزدىق سەرىكتەستەرمەن بىرلەسىپ، جوعارى جانە ورتا كەڭىستىكتىك جيىلىكتەگى «КazEOSat-1» جانە «КazEOSat-1» اتتى ەكى سپۋتنيكتەن تۇراتىن جەردى قاشىقتىقتان باقىلاۋ قازاقستاندىق عارىش جۇيەسى قۇرىلىپ، تابىستى جۇمىس ىستەپ كەلەدى. استانادا ەۋروپالىق عارىش تەحنولوگياسى ترانسفەرتىنىڭ كومەگىمەن عارىش قۇرىلعىلارىن زاماناۋي قۇراستىرۋ- سىناقتان وتكىزۋ كەشەنى سالىنىپ جاتىر.
فرانسيا رەسپۋبليكاسىنىڭ ەۋروپا مەن سىرتقى ىستەر مينيسترلىگىنىڭ مەملەكەتتىك حاتشىسى جان- باتيست لەمۋان قازاقستان مەن فرانسيانىڭ اراسىندا دوستىق قارىم- قاتىناستىڭ ورناعانىن اتاپ ءوتىپ، قوناقجايلىلىق پەن تابىستى كەزدەسۋ ءۇشىن العىسىن ءبىلدىردى. ق ر قورعانىس جانە ايەروعارىش ونەركاسىبى ءمينيسترى عارىش جانە قورعانىس ونەركاسىبى سالاسىنداعى ىنتىماقتاستىقتىڭ ودان ءارى دامۋىنا سەنىم ءبىلدىرىپ، فرانسۋزدىق كومپانيالاردى 2017 -جىلدىڭ قازان ايىندا وتەتىن «قازاقستانداعى عارىش كۇندەرى» حالىقارالىق فورۋمىنا جانە 2018 -جىلدىڭ مامىر ايىندا استانادا بولاتىن «KADEX-2018» كورمەسىنە قاتىسۋعا شاقىردى. سونداي- اق، جان باتيست لەمۋان قازاقستانداعى فرانسۋز ەلشىسىمەن بىرگە ۇلتتىق عارىش ورتالىعىن ارالادى.
