بەكبولات تىلەۋحان «نازاربايەۆتىڭ ءستيلىن» اشىپ بەردى

استانا. قازاقپارات - بۇگىن لاتىن ءالىپبيىنىڭ ءبىرىڭعاي ستاندارتىن ەنگىزۋگە ارنالعان پارلامەنتتىك تىڭداۋدا ق ر پارلامەنت ءماجىلىسىنىڭ دەپۋتاتى بەكبولات تىلەۋحان "نازاربايەۆتىڭ ءستيلىن" ەرەكشە اتاپ ءوتتى، دەپ حابارلايدى قازاقپارات ءتىلشىسى.

ءوز سوزىندە دەپۋتات قازىرگى اقپاراتتىق زامان ماسەلەسىن كوتەرىپ: "17 -عاسىردا ءومىر سۇرگەن ورتاشا ادامنىڭ ءومىر بويى العان اقپاراتىن ءبىر جارىم، ەكى-اق كۇندە الاتىن زامان بۇل. وسىنداي زاماندا ءومىر ءسۇرىپ جاتقاندا ۋاقىتتىڭ كەرۋەنىنە ىلەسۋ قيىننىڭ قيىنى، اعايىن. سوندىقتان بولاشاققا باعىتتايتىن جاڭا باعدار كەرەك بولدى. باسقاشا كوزقاراس، تەرەڭ ءتاسىل كەرەك بولدى. سول ءۇشىن بيىل ەلباسى جاڭا ماقالاسىن جاريالادى. ءوزى مىناۋ جۇرت جاپاتارماعاي جاعالاسىپ-جانتالاسىپ جاتقان كەزدە اتتىڭ تىزگىنىن تارتا تۇرىپ، ەلدىڭ ەسىنە ەشتەڭە كەلمەي تۇرعاندا التى ەمەس، الپىس قىردىڭ استىنداعى نارسەنى كورۋ، كوزدەۋ - بۇل شيرەك عاسىرداعى قازاقستان ساياساتىنىڭ قولتاڭباسى.

بىلايشا ايتقاندا، "نازاربايەۆتىڭ ءستيلى" بۇل"، - دەپ لاتىن الىپبيىنە كوشۋ ماسەلەسىنە باسا نازار اۋداردى.

دەپۋتاتتىڭ ايتۋىنشا، قازاقستان لاتىن ءالىپبيىن ەنگىزۋگە ۇلكەن دايىندىقپەن كەلدى. سوندىقتان وعان "ساياساتتىڭ تونىن" كيگىزۋدىڭ قاجەتى جوق. ەرتە باستاساق، تىم ەرتە بولاتىن ەدى. ەندى كەشىكسەك، مول كەشىگەمىز. "قازىرگى لاتىن الىپبيىنە كوشەمىز دەپ، باستاما كوتەرىپ جاتقانىمىز سوقىر تاۋەكەل ەمەس. بۇنىڭ بارلىعى زەرتتەلگەن، قوعام تالقىسىنا سالىنعان. جاسىراتىنى جوق، اعا بۋىنعا لاتىنعا كوشۋ وڭايعا تۇسپەيدى. ال جاس ۇرپاققا تۇك ەمەس. قاجەتتىلىككە ساياساتتىڭ تونىن كيگىزبەي-اق قويايىق، اعايىن. اشىق سانا، پراگماتيزممەن كەلگەنىمىز دۇرىس دەپ ويلايمىز. ءالىپبيدى اۋىستىرعان استانانى اۋىستىرعاننان قيىن ەمەس. ءالىپبي اۋىستىرۋ جوسپارلى ەكونوميكادان نارىقتىق ەكونوميكاعا كىلت بۇرىلعاننان قيىن ەمەس"، - دەپ اتاپ كورسەتتى تىلەۋحان.