12:43, 11 - قىركۇيەك 2017 | GMT +6
لوندون پوليتسەيلەرى لاڭكەستەرمەن كۇرەستىڭ جاڭا ءادىسىن تاپتى
استانا. قازاقپارات - لوندون پوليتسيا قىزمەتكەرلەرى كولىكتەردە بولاتىن لاڭكەستىك ارەكەتتەردىڭ الدىن الۋ ماقساتىندا جاڭا ءادىس ويلاپ تاپتى.
بۇل جايلى بريتان پوليتسياسى مالىمدەمەسىنە سىلتەمە جاساعان The Times حابارلايدى.
«اۆتوتەرروريستەردى» توقتاتۋ ءۇشىن پوليتسياعا ۆولفرامدى ينەلەرى بار ارنايى تور قولدانۋ ۇسىنىلدى. جاڭا ارنايى قۇرالعا «تىرناق» دەگەن ات بەرىلدى. بۇل تور قوزعالىپ كەلە جاتقان كولىك قۇرالىنىڭ الدىنا جايىلادى.
كولىك «تىرناقتى» باسقان كەزدە، ينەلەر دوڭعالاعىنا قادالىپ، ونى بايلاپ-ماتاپ تاستايدى. وسىدان كەيىن دوڭعالاقتار اينالماي، كولىك قوزعالا الماي قالادى. مۇنداي تورلاردى ادامداردىڭ قاۋىپسىزدىگىن قامتاماسىز ەتۋ ماقساتىندا كوپشىلىك شارالارى وتكىزىلەتىن جەرلەردىڭ اينالاسىنا جايىپ تاستاۋعا بولادى.
