لاتىن الىپبيىنە كوشۋگە ۇلكەن دايىندىقپەن كەلدىك - ءماجىلىس ءتوراعاسى
«وسى جولدا ءتىلدىڭ حالىقارالىق مارتەبەسىن كوتەرۋ - ءبىزدىڭ الەمدىك وركەنيەتكە جەتۋىمىزدىڭ باستى كەپىلى. سونىمەن بىرگە جاڭا ءالىپبي بۇكىل الەم قازاقتارىن بىرىكتىرەتىن وتە ماڭىزدى فاكتور. ەلباسى ايتقانداي، بالالارىمىزدىڭ بولاشاعى ءۇشىن وسىنداي شەشىم قابىلداۋعا ءتيىسپىز جانە ول الەممەن بىرلەسۋگە، ۇرپاعىمىزدىڭ اعىلشىن ءتىلى مەن ينتەرنەت ءتىلىن يگەرۋگە، ەڭ باستىسى - قازاق ءتىلىن جاڭعىرتۋعا جاعداي تۋعىزادى. ال قازاق ءتىلىن جاڭعىرتۋدىڭ باستى كورەتكىشى - ول لاتىن جازۋىنا كوشۋ.
ايتا كەتۋ كەرەك، لاتىن جازۋى تۋرالى بۇگىن عانا ايتىلىپ وتىرعان جوق. پرەزيدەنتىمىز بۇل جايىندا 2006 -جىلى قازاقستان حالقى اسسامبلەياسىنىڭ ون ەكىنشى سەسسياسىندا سويلەگەن سوزىندە جانە «قازاقستان 2050» ستراتەگياسىندا دا ايتقان بولاتىن. سونىمەن قاتار ەلباسى ءوزىنىڭ «رۋحاني جاڭعىرۋ» ماقالاسىندا لاتىن جازۋىنا كوشۋدىڭ ناقتى جولدارىن بەلگىلەپ، ءتيىستى شارالاردى قولعا الۋ كەرەك ەكەنىن جەتكىزدى. بۇل قازىرگى زاماننىڭ تالابى دەپ ايتۋعا بولادى»، - دەپ توقتالدى ن. نىعماتۋلين.
وسى ورايدا ءماجىلىس ءتوراعاسى لاتىن ءقارپىنىڭ عىلىم مەن تەحنيكانى دامىتۋدا ورنى ەرەكشە ەكەنىن اتاپ ءوتتى.
«ارينە، «بىتكەن ىسكە سىنشى كوپ» دەگەندەي، وسى ماسەلەگە بايلانىستى بۇگىن ايتىلىپ جاتقان پىكىرلەر وتە كوپ. ءبىراق تا ەلىمىزدىڭ ءاربىر ازاماتى لاتىن جازۋىنا كوشۋ الەمدىك وركەنيەتكە جەتۋدىڭ باستى جولى ەكەنىن ءبىلۋى ءتيىس. سەبەبى لاتىن جازۋى ادامزاتتىڭ دامۋىنداعى مىقتى تىلدەردىڭ ءبىرى. ول 21 -عاسىرداعى عىلىم مەن تەحنيكانىڭ، ينتەرنەت پەن ءىت- تەحنولوگيالاردىڭ ءتىلى. سوندىقتان ءبىز وسى وتە جاۋاپتى كەزەڭگە ۇلكەن دايىندىقپەن كەلدىك دەپ ايتۋعا بولادى. ويتكەنى كوپتەگەن جۇمىستار اتقارىلدى. سونىڭ ناتيجەسىندە قازاق ءتىلىنىڭ ىقپالى كۇشەيتىلىپ، قازاقستاندىقتاردىڭ اعىلشىن ءتىلىن ۇيرەنۋگە دە بارلىق جاعداي جاسالىندى»، - دەدى نۇرلان نىعماتۋلين.
