ق ر پرەزيدەنتى قازاقستاننىڭ بىتىمگەرلىك جولىنداعى ارمانىن ايتتى
«14 جىل ەلىمىزدە الەمدىك جانە ءدىستۇرلى دىندەر ليدەرلەرىنىڭ سەزى وتكىزىلىپ كەلەدى. وندا يسلام، حريستيان، يندۋيزم، بۋدديزم جانە باسقا دا كونفەسسيا وكىلدەرى باس قوسادى. سىزدەردى 2018-جىلى وتەتىن التىنشى سەزگە شاقىرامىن»، - دەدى پرەزيدەنت استانا ءوتىپ جاتقان يسلام ىنتىماقتاستىق ۇيىمىنىڭ عىلىم جانە تەحنولوگيالار جونىندەگى سامميتىندە.
مەملەكەت باسشىسى عىلىم مەن تەحنولوگيالاردى دامىتۋ تەك بەيبىتشىلىك پەن تۇراقتىلىق ساقتالعان جاعدايدا عانا مۇمكىن بولاتىنىن قاداپ ايتتى.
«قازاقستان قازىر بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى رەتىندە وسى ماسەلەگە ەرەكشە ءمان بەرىپ وتىر. ەلىمىزدىڭ حالىقارالىق وتكىر پروبلەمالار مەن داۋ-جانجالداردى رەتتەۋدەگى بىتىمگەرلىك ءرولى بارشاڭىزعا ءمالىم. ءبىز كەزىندەگى سەمەي يادرولىق پوليگونىن جاۋىپ، اسا ءىرى يادرولىق ارسەنالدان ءوز ەركىمىزبەن باس تارتقان ەلمىز. بولاشاقتا بۇكىل دۇنيەجۇزى يادرولىق قارۋدان ءبىرجولا ارىلسا دەگەن ارمانىمىز بار. تۇبىندە يسلام الەمىن يادرولىق قارۋدان ازات ايماققا اينالدىرۋ - ورتاق مۇددەمىزگە ساي كەلەدى»، - دەپ توقتالدى نۇرسۇلتان نازاربايەۆ.
