ۆەنەسۋەلا پرەزيدەنتى العاش رەت قازاق جەرىنە تابان تىرەدى

استانا. قازاقپارات - ۆەنەسۋەلا پرەزيدەنتى نيكولاس مادۋرو العاش رەت قازاقستانعا كەلدى، دەپ حابارلايدى قازاقپارات.

مارتەبەلى مەيماندى بۇگىن تۇندە ەلىمىزدىڭ ەنەرگەتيكا ءمينيسترى قانات بوزىمبايەۆ استانا اۋەجايىندا قارسى الدى.

بۇعان دەيىن ەكونوميكالىق اقپاراتتار اگەنتتىگى نيكولاس مادۋرونىڭ قازاقستاندا وتەتىن يسلام ىنتىماقتاستىق ۇيىمىنىڭ سامميتىنە قاتىساتىندىعىن حابارلاعان بولاتىن.

«تاياۋ كۇندەرى 57 مەملەكەتتىڭ باسىن قوساتىن يسلام قوعامداستىعىنىڭ قازاقستاننىڭ ەلورداسى استانادا وتەتىن حالىقارالىق كەزدەسۋىنە بارامىن. مەن و پ ە ك- كە مۇشە جانە مۇشە ەمەس بارىنشا ماڭىزدى ەلدەردىڭ باسشىلارىمەن ەكىجاقتى قارىم-قاتىناستى قولداۋعا نيەتتىمىن»، - دەگەن ەدى مادۋرو ۇلتتىق قۇرىلتايشىلىق جيىن سەسسياسىندا.

سونىمەن قاتار ول ي ى ۇ ءسامميتىن مۇناي باعاسىن تۇراقتاندىرۋعا باعىتتالعان فورمۋلاسىن ۇسىنۋعا مۇمكىندىك بەرەتىن الاڭ رەتىندە قارايتىندىعىن ايتقان ەدى.

ەستەرىڭىزگە سالا كەتسەك، وسىدان ەكى ساعاتتان استام ۋاقىت بۇرىن توگو پرەزيدەنتى فورا گنەسسينبەنىڭ ۇشاعى ەلوردا اۋەجايىنا كەلىپ قوندى. مارتەبەلى مەيماندى ەلىمىزدىڭ دەنساۋلىق ساقتاۋ ءمينيسترى ەلجان ءبىرتانوۆ پەن استانا قالاسى اكىمىنىڭ ءبىرىنشى ورىنباسارى سەرگەي حوروشۋن كۇتىپ الدى.

بۇعان دەيىن حابارلانعانداي، 10-11- قىركۇيەك كۇندەرى ەلورداداعى تاۋەلسىزدىك سارايىندا ەلباسى نۇرسۇلتان نازاربايەۆتىڭ توراعالىعىمەن يسلام ىنتىماقتاستىق ۇيىمىنىڭ عىلىم مەن تەحنولوگيا جونىندەگى ءبىرىنشى ءسامميتى وتەدى.

سامميتكە ي ى ۇ- عا مۇشە ەلدەردىڭ، سونىمەن قاتار حالىقارالىق جانە وڭىرلىك ۇيىمداردىڭ 80 گە جۋىق دەلەگاتسياسى قاتىسادى.