نۇرسۇلتان نازاربايەۆ حالىقارالىق كورمەلەر بيۋروسىنىڭ التىن مەدالىمەن ماراپاتتالدى
وسىلايشا، حالىقارالىق كورمەلەر بيۋروسى ق ر پرەزيدەنتىنە جانە قازاقستان ۇكىمەتىنە ءبىلىم بەرۋ، يننوۆاتسيالار جانە ىنتىماقتاستىقتىڭ نەگىزگى قۇندىلىقتارىنا قولداۋ ءبىلدىرىپ، بولاشاقتىڭ ەنەرگياسى سالاسىنداعى جاھاندىق ىنتىماقتاستىققا قوسقان ولشەۋسىز ۇلەسى ءۇشىن العىس ايتتى.
اتالعان ماراپاتتى بيۋرو پرەزيدەنتى ستين كريستەنسەن «استانا ەكسپو-2017» ۇ ك» ا ق باسشىسى احمەتجان ەسىموۆكە تابىستادى.
ەكىنشى التىن مەدال اۋقىمدى شارانى تابىستى وتكىزۋدە ايانباي ەڭبەك ەتكەن ەكسپو-2017 كورمەسىنىڭ حالىقارالىق قاتىسۋشىلارىنا بەرىلدى. ودان بولەك، حالىقارالىق كورمەلەر بيۋروسى «استانا ەكسپو-2017» ۇ ك» ا ق ۇجىمىنا كاسىبيلىگى مەن حالىقارالىق قاتىسۋشىلارعا قولداۋ بىلدىرگەنى ءۇشىن ابىروي مەدالىن تابىستادى.
ەكىنشى ابىروي مەدالىنە ەرەكشە قوناقجايلىلىق تانىتىپ، الەم ازاماتتارىنا شابىت سىيلاعان استانا قالاسى مەن ونىڭ تۇرعىندارى لايىق دەپ تانىلدى. سىيلىقتى استانا قالاسىنىڭ اكىمى اسەت يسەكەشوۆ الدى. تاعى ءبىر ابىروي مەدالى كورمە كوميسسارى ءراپىل جوشىبايەۆقا قاتىسۋشىلاردى كوپتەپ تارتا بىلگەنى ءۇشىن بەرىلدى. سونىمەن بىرگە، ەكسپو-2017 كورمەسىنىڭ اينىماس بولشەكتەرىنە اينالعان ۆولونتەرلار مەن قوعاممەن بايلانىس دەپارتامەنتىنىڭ قىزمەتكەرلەرى ارنايى سەرتيفيكاتتارمەن ماراپاتتالدى.
ەكسپو-2017 حالىقارالىق مامانداندىرىلعان كورمەسى 10- ماۋسىم كۇنى اشىلدى. ءۇش اي بويى وتكىزىلگەن كورمەنىڭ جابىلۋ سالتاناتى بۇگىن، 10- قىركۇيەككە جوسپارلانعان.
