ساتبايەۆ پوليتسياسى باسشىسىنىڭ ورىنباسارىن ۇستاۋ كەزىندەگى ۆيدەو جاريالاندى
بۇل تۋرالى «قازاقپارات» ح ا ا ءتىلشىسى حابارلايدى.
جەمقور دەگەن كۇدىككە ىلىنگەن شەنەۋنىكتى ۇستاۋ بويىنشا جۇرگىزىلگەن ارنايى وپەراتسياعا قاراعاندى وبلىستىق ىشكى ىستەر دەپارتامەنتى جەكە قاۋىپسىزدىك باسقارماسى مەن سىبايلاس جەمقورلىققا قارسى ءىس-قيمىل ۇلتتىق بيۋروسى دەپارتامەنتىنىڭ قىزمەتكەرلەرى جۇمىلدىرىلعان. كۇدىكتىنى ۇستاۋ ءساتى تۇسىرىلگەن ۆيدەو الەۋمەتتىك جەلىگە تاراپ كەتكەن.
قاراعاندى وبلىستىق ءى ءى د باسپا ءسوز قىزمەتىنىڭ باستىعى باقىتجان قۇدياروۆ قىزمەتكەرگە قاتىستى ق ر ق ك 366-بابى بويىنشا («پارا الۋ») سوتقا دەيىنگى تەرگەۋ امالدارى جۇرگىزىلۋدە.
«سىبايلاس جەمقورلىققا قارسى ءىس-قيمىل ۇلتتىق بيۋروسى دەپارتامەنتىنىڭ قىزمەتكەرلەرى وبلىستىق ءى ءى د جەكە قاۋىپسىزدىك باسقارماسىنىڭ قىزمەتكەرلەرىمەن بىرلەسە ازاماتتى اكىمشىلىك قۇقىقبۇزۋشىلىق ءۇشىن جاۋاپقا تارتپاۋ جانە اقشالاي پارا الۋ ىستەرى بويىنشا ساتپايەۆ قالالىق ءى ءى ب جەرگىلىكتى پوليتسيا قىزمەتى باستىعىنىڭ ورىنباسارىن ۇستادى. كۇدىكتىگە قاتىستى سوتقا دەيىنگى تەرگەۋ امالدارى جۇرگىزىلۋدە»، - دەپ حابار بەرەدى وبلىستىق ءى ءى د باسپا ءسوز قىزمەتىنىڭ باستىعى باقىتجان قۇدياروۆ.
