كوپتىڭ قىزىعۋشىلىعىن تۋعىزعان كيىز ءۇي

استانا. قازاقپارات - شىمكەنتتىك شەبەردىڭ قولىنان شىققان ەرەكشە تۋىندى، اتاپ ايتقاندا جىلجىمالى كيىز ءۇي كوپشىلىكتىڭ قىزىعۋشىلىعىن تۋعىزدى.

ون ساۋساعىنان ونەر تامعان ەركىنبەك بوكەنبايەۆ جاساعان دوڭگەلەكتى كيىز ءۇيدىڭ اتى «قازاق ارباسى» دەپ اتالادى. وسىناۋ يننوۆاتسيالىق جوبانى جاساۋعا شەبەر 6 اي ۋاقىتىن جۇمساپتى. قاجەتتى بولشەكتەرىن شەتەلدەن الدىرتسا، ءۇيدىڭ ىشىنە جارىق كۇننەن الىناتىن قۋاتپەن جەتەدى ەكەن.

«مەن كيىز ۇيگە جاڭا تەحنولوگيانى ەندىرىپ، زاماناۋي ۇلگىدە جاساۋعا تىرىستىم. ونىڭ ساۋلەتى مەن ىشىندەگى تازالىعى بارلىعى دا الدىن الا ەسكەرىلگەن. ءبىزدىڭ ۇلتتىق قۇندىلىعىمىز دا كورسەتىلگەن. قازىر بۇل كيىز ۇيگە قىزىعۋشىلار كوبەيىپ وتىر»، - دەيدى شەبەر ەركىنبەك بوكەنبايەۆ.

ونەرتاپقىش كيىز ءۇيدىڭ قولىنان شىققان ءۇشىنشى تۋىندىسى. بۇعان دەيىن ول جەمىس- جيدەك پەن كوكونىس ساتۋعا ارنالعان جىلجىمالى دۇڭگىرشەك جاساپ شىعارىپتى.

 

qazaquni.kz