ەرەجەسىز جەكپە-جەك شەبەرى ارداق نازاروۆ سىر ەلىندە جاستارمەن كەزدەستى
العاشقى كۇنى وبلىستىق جاستار رەسۋرستىق ورتالىعىنىڭ سپورت الاڭىندا بولىپ، سپورتسۇيەر جاسوسپىرىمدەر مەن جاستارعا ارناپ شەبەرلىك ساباعىن جۇرگىزدى.
كەلەسى كۇنى دوستىق ۇيىندە جاستارمەن كەزدەسىپ، ومىرلىك جولىنان سىر شەرتىپ، قاتىسۋشىلارعا ۇلگى-ونەگە بولارلىقتاي اڭگىمەلەرىن جەتكىزدى.
كەزدەسۋدىڭ نەگىزگى ماقساتى - سپورتقا قىزىعۋشىلىعى بار جاستارعا قولداۋ كورسەتۋ، سالاماتتى ءومىر سالتىن دارىپتەۋ، جاستاردىڭ سپورتقا دەگەن قۇلشىنىسىن ارتتىرۋ ارقىلى جەكە تۇلعانى قالىپتاستىرۋ، جاستاردىڭ بويىندا پاتريوتتىق سەزىمنىڭ قالىپتاسۋىنا ىقپال ەتۋ بولدى. جاستار بولسا، تانىمال سپورتشىعا كوكەيلەرىندەگى ساۋالدارىن قويىپ، جاۋاپ الدى. ا. نازاروۆتان ەستەلىك سىيلىقتار العان جاستار ريزاشىلىقپەن تارقاستى.
ودان كەيىن سىر سامالى جاعالاۋىندا وتكەن «كروسسفيت» سپورتتىق سايىستارىنا قوناق رەتىندە قاتىسىپ، قاتىسۋشىلارعا ساتتىلىك تىلەدى.
