وزبەكستاندا جاڭا «اقىلدى» قالا سالىنادى - فوتو
نۋرافشون وزبەكستانداعى العاشقى «اقىلدى» قالا بولماق. وندا اكىمشىلىك عيماراتتار، زاماناۋي ءارى جايلى تۇرعىن ۇيلەر، بيزنەس ورتالىق، قوناقۇيلەر، سپورت كەشەنى، جاستار شىعارماشىلىعى ورتالىعى، كىتاپحانالار، مەكتەپتەر، كوپبەيىندى اۋرۋحانا بوي كوتەرەدى.
سونداي-اق، باقتار، ساياباقتار، الاڭدار، جاياۋ جۇرگىنشىلەر مەن ۆەلوسيپەدكە ارنالعان اللەيالار دا سالۋ كوزدەلگەن، ءتيىمدى قوعامدىق كولىك جۇيەسىن ەنگىزۋ جوسپارلانۋدا. قالانىڭ ورتالىعىنان وتەتىن جاساندى ارنا قازىلادى، ونىڭ جاعاسىندا جاعالاۋلار سالىنىپ، تاماقتانۋ ورىندارى، دۇكەندەر، تاعى دا باسقا نىساندار اشىلادى.
نۋرافشوندى وزبەكستاننىڭ استاناسىمەن جوعارى جىلدامدىقپەن جۇرۋگە ارنالعان اۆتوجول بايلانىستىراتىن بولادى.
ەسكە سالا كەتەيىك، بۇعان دەيىن تاشكەنت وبلىسىنىڭ اكىمشىلىك ورتالىعى بولماعان-تىن. 25- تامىزدا وتكەن وزبەكستان رەسپۋبليكاسى وليي ءماجليسى سەناتىنىڭ 11-جالپى وتىرىسىندا تاشكەنت وبلىسىنىڭ تويتوبە قالاسىنىڭ اتىن نۋرافشون دەپ وزگەرتۋ تۋرالى قاۋلى قابىلدادى.
سودان ءبىر كۇن بۇرىن سەناتورلار قالانى وبلىسقا باعىناتىن قالالار ساناتىنا ەنگىزۋ جانە تاشكەنت وبلىسىنىڭ اكىمشىلىك ورتالىعى دەپ بەلگىلەۋ تۋرالى شەشىمدى ماقۇلداعان ەدى.
