17:53, 08 - قىركۇيەك 2017 | GMT +6
ايبەك نۇعىماروۆ «الەم بارىسى» اتاندى
استانا. قازاقپارات - «الەم بارىسى» دوداسىنىڭ اقتىق سايىسىندا قازاقستاندىق ايبەك نۇعىماروۆ پەن گرۋزيالىق گۋرام تۋشيشۆيلي كەزدەستى.
تارتىستى بەلدەسۋدە ايبەك نۇعىماروۆ گرۋزيالىقتى تازا جەڭدى، دەپ حابارلايدى «قازاقپارات» ح ا ا ءتىلشىسى.
22 جاستاعى گرۋزيا بالۋانى دزيۋدان ەۋروپا چەمپيونى اتانعان. گرۋزيا قۇراماسىنىڭ ساپىندا «ەۋرازيا بارىسى» سايىسىنا دا قاتىسقان.
كەزدەسۋدىڭ العاشقى مينۋتىندا قوس قارسىلاس ءبىر-ءبىر بۇك ۇپايدان الدى. ەكىنشى مينۋتىندا ايبەك تاعى ءبىر بۇك ۇپايمەن العا شىققان.
اككى ءادىس پەن قارا كۇشتى قاتار قولدانعان قارسىلاستاردىڭ باسەكەسىندە ايبەك گرۋزيالىقتى تازا جەڭىپ، جەڭىسكە يە بولدى. ەسكە سالا كەتسەك، «الەم بارىسى» دوداسىندا الەمنىڭ 40 قا جۋىق ەلىنەن بالۋاندار ءوزارا باق سىناسقان بولاتىن. بەلدەسۋدىڭ قولا جۇلدەسىن قازاقستاندىق ەرجان شىنكەيەۆ جەڭىپ الدى.
اۆتور: ايان بەكەن ۇلى
