امانگەلدى اۋدانىندا كەيكى باتىردىڭ باس سۇيەگىن جەرلەۋ ءراسىمى وتەدى

قوستاناي. قازاقپارات - قوستاناي وبلىسىندا كەيكى كوكەمباي ۇلى كەسەنەسىنىڭ اشىلۋىنا وراي وتەتىن شارالار كەستەسى جاريالاندى، دەپ حابارلايدى قازاقپارات.

قوستاناي وبلىسى امانكەلدى اۋدانى اكىمدىگىنىڭ ىشكى ساياسات باسقارماسى باعدارلامالار ءتىزىمىن جاسادى. سونىمەن، ءىس-شارالار 15- قىركۇيەكتە باستالادى. كەيكى باتىردىڭ باس سۇيەگىن كەسەنەگە جەرلەۋ ءراسىمى تاستى اۋىلىندا ساعات 10:00 دە وتەدى.

سودان سوڭ امانگەلدى، جانكەلدين، اۋليەكول، ناۋرىزىم اۋداندارى جانە ارقالىق قالاسى ونەرپازدارىنىڭ كونتسەرتتىك باعدارلاماسى ۇسىنىلادى. ساعات 11:00 دە كورەرمەندەردى قازاق كۇرەسىنەن رەسپۋبليكالىق «تۇيە پالۋان» جارىسى كۇتەدى.

ودان كەيىن كەلگەن مەيماندارعا كيىز ۇيلەردەن اس بەرىلەدى. وسى كۇنى ساعات 15:00 دە كەسەنە ماڭىنداعى الاڭقايدا ات بايگەسى (12-25 شاقىرىم) بولادى.

«كەيكى باتىر: ءومىرى مەن ءولىمىنىڭ تاريحى» اتتى عىلىمي- پراكتيكالىق كونفەرەنسيا ارقالىق قالاسىنداعى جاس كورەرمەندەر تەاترىندا ۇيىمداستىرىلادى. ۋاقىتى - 14:00. كونفەرەنسيادان سوڭ «كەيكى باتىر» سپەكتاكلى تاماشالانادى.

ال 16- قىركۇيەك كۇنى ساعات 10:00 دە ارقالىقتا «باس كەسپەك بولسا دا...» اتتى رەسپۋبليكالىق اقىندار ايتىسى وتەدى.

باتىر جولاي ۇلى