قازاقستاندىق بالۋاندار «الەم بارىسىن» جەڭىسپەن باستادى- فوتو

استانا. قازاقپارات - استاناداعى «بارىس ارەنادا» قازاق كۇرەسىنەن «Alem barysy» دوداسى باستالىپ كەتتى، دەپ حابارلايدى «قازاقپارات» ح ا ا ءتىلشىسى.

 العاشقىلاردىڭ ءبىرى بولىپ بوز كىلەمگە قازاقستاننىڭ نامىسىن قورعاۋعا ەلامان ەرعاليەۆ شىقتى. ەلاماننىڭ كامەرۋندىق قارسىلاسى دولاسسەم ديادوننامەن بەلدەستى. بەلدەسۋ كوپكە سوزىلعان جوق. كوپشىلىكتىڭ قوشەمەتى مەن قۇرمەتىنە يە بولعان ەلامان دودانىڭ العاشقى مينۋتىندا- اق قارسىلاسىن شالىپ جىعىپ، تازا جەڭىسكە جەتتى.

ايتا كەتەرلىگى، ەلامان ەرعاليەۆ بيىل «قازاقستان بارىسى» اتانعان بولاتىن. ەسكە سالا كەتسەك، «Alem barysy» دوداسىنا الەمنىڭ 40-قا جۋىق ەلىنەن 43 بالۋان ءوزارا باق سىناسىپ جاتىر. قازاقستاننىڭ نامىسىن بۇل دودادا ايبەك نۇعىماروۆ، ەلامان ەرعاليەۆ، ايبات سەيتەن، داۋرەن نۇرالينوۆ جانە ەرجان شىنكەيەۆ قورعايدى.

اۆتور: ايان بەكەن ۇلى