الماتىلىقتار جاپپاي ساموكاتقا كوشىپ جاتىر
ءجۇز مىڭ تەڭگە كولەمىندە تۇراتىن بۇل كولىك دۇكەن سورەلەرىندە تولىپ تۇر. الەم بويىنشا وزدىگىنەن جۇرەتىن بۇل قۇرىلعى ۇلكەن داۋ تۋدىرۋدا. سەبەبى ەلەكتر قوزعالتقىش ارقىلى جۇرگەنىمەن، ونى كولىك دەپ ايتۋعا مۇلدەم كەلمەيدى. كەڭ قولداناتىن ەلدەر دە ورتاق ستاندارتقا كەلە الماعان. ماسەلەن، ەۋروپادا بۇل قۇرىلعىنى زاڭدى تۇردە كولىك قۇرالى رەتىندە ەسەپتەسە، كورشىلەس رەسەيدە ساموكاتپەن جۇرەتىندەردى جاياۋ جۇرگىنشىلەر قاتارىنا قوسقان. ال، ءبىزدىڭ ەلدە بۇعان قاتىستى بىردە ءبىر زاڭ جوق دەيدى ماماندار.
«قازىرگى تاڭدا زاڭدى تۇردە ساموكات دەگەن تۇسىنىك ازىرگە جوق. وعان قاتىستى ناقتى زاڭدار دا جوق. باسقا ەلدەردە بۇل جاعداي تولىقتاي ناقتى قاراستىرىلعان. بارلىق دەپۋتاتتار دەمالىستان شىقتى ەندى ءبىز وسى جاعدايدى كوتەرەتىن بولامىز»، - دەيدى «ورتاق جول» جول قوزعالىسى قاۋىپسىزدىگى قاۋىمداستىعىنىڭ باسشىسى ارسەن شاكۋوۆ.
