07:20, 08 - قىركۇيەك 2017 | GMT +6
موڭعوليادا ۇكىمەت وتستاۆكاعا كەتتى
استانا. قازاقپارات - موڭعوليا پارلامەنتى ۇلى حۋرال 7 - قىركۇيەكتە شاقىرىلعان كەزەكتى سەسسياسىندا پرەمەر- مينيستر ج. ەردەنەباتتى وتستاۆكاعا جىبەرۋدى تالقىلادى.
ۇكىمەت باسشىسىنىڭ كەتۋىن ماقۇلداپ 73 دەپۋتاتتىڭ 42- ءىسى داۋىس بەردى (57,5%)، دەپ حابارلايدى مونتسامە.
پارلامەنتتىڭ قاۋلىسىنا سايكەس پرەمەر- مينيستر ج. ەردەنەبات جانە ول باسقارعان ۇكىمەت تولىق قۇرامدا وتستاۆكاعا كەتتى. قازىرگى ۋاقىتتا 7 - قىركۇيەكتەگى قابىلدانعان ۇلى حۋرالدىڭ قاۋلىسى كۇشىنە ەندى. سونىمەن قاتار، كونستيتۋتسيا بويىنشا پرەمەر- مينيستر وتستاۆكاسىنا وراي مينيسترلەر كابينەتى دە تولىق وتستاۆكاعا كەتۋى قاجەت، «ۇكىمەت تۋرالى» زاڭعا سايكەس كەلەسى ۇكىمەت باسشىسىن پارلامەنت 30 كۇننىڭ ىشىندە تاعايىندايدى. ج. ەردەنەبات جاڭا پرەمەر- مينيستر تاعايىندالعانشا ءوز مىندەتىن ۋاقىتشا اتقارادى.
اۆتور: جانىبەك امانگەلدى
