قاشاعان مۇنايى سارقىلا باستاعان كەن ورىنداردىڭ قورىن تولتىردى
«2016 -جىلى قازاقستاندا مۇناي ءوندىرۋ ءۇشىنشى جىل قاتارىنان تومەندەگەن بولاتىن، ونىڭ 2014 -جىلى كولەمى 1,2 پايىزعا، 2015 -جىلى 1,6 پايىزعا جانە 2016 -جىلى 1,9 پايىزعا، ياعني جالپى 78 ميلليون توننا دەڭگەيىنە دەيىن قىسقاردى. كەن قورلارىنىڭ تومەندەۋى نەگىزىنەن اقتوبە جانە قىزىلوردا وبلىستارىنداعى ءوندىرۋ كولەمى ازايعان كەن ورىندارىنا تيەسىلى بولدى. الايدا 2016 -جىلدىڭ سوڭىنان بەرى قاشاعان كەن ورنىندا ءوندىرۋ كولەمىنىڭ وسۋىنە بايلانىستى وسى سالادا ءبىرشاما وزگەرىستەر ورىن الدى. سوندىقتان ەلدەگى ءوندىرۋدىڭ جيىنتىق كولەمى ءوسىم تراەكتورياسىنا ورلەدى»، - دەپ اتاپ وتىلگەن KAZENERGY قاۋىمداستىعى ءۇشىن IHS Markit كومپانياسى دايارلاعان باياندامانىڭ «شيكى مۇناي مەن گاز كوندەنساتىن ءوندىرۋ» اتتى بولىمىندە.
دەگەنمەن دە 2017 -جىلى قازاقستاندا مۇناي ءوندىرۋ كولەمى بەلگىلى ءبىر جاسالعان ۋاعدالاستىق اياسىندا ماقساتتى تۇردە شەكتەلگەن بولاتىن. اتاپ ايتقاندا، اعىمداعى جاعدايدا ەلدىڭ ەكى ءىرى جوباسىن ەسكەرە وتىرىپ، بولاشاقتا تۇراقتى ءوسىم قاراستىرىلىپ وتىر. قاشاعانداعى كەن ورنىنداعى قۋات كوزدەرىن كەڭەيتۋدىڭ ارقاسىندا ءوندىرۋ كولەمى تاۋلىگىنە 80000 بارەللگە ارتۋى ءتيىس. بۇل ءوز كەزەگىندە ءبىرىنشى كەزەڭدەگى جىلىنا 17 ميلليون تونناعا جۋىق (تاۋلىگىنە 370 مىڭ بارەلل) تۇراقتى دەبيتىنىڭ جوسپارلى دەڭگەيىنە شىعۋعا مۇمكىندىك بەرەدى. ال تەڭىز كەن ورنىنىڭ وندىرىستىك قۋاتىن الداعى ۋاقىتتا كەڭەيتۋ جوباسىن جۇزەگە اسىرۋعا كىرىسۋ شەشىمى 2020 -جىلعا قاراي جىلىنا 12 ميلليون كولەمىندە (تاۋلىگىنە 260 مىڭ باررەل) ءوندىرۋدىڭ ءوسىمى ءۇشىن العىشارتتار جاسايدى.
وزدەرىڭىزگە بەلگىسى، 2016 -جىلدىڭ سوڭىندا قازاقستان مۇناي باعاسىنىڭ تومەندەۋىن توقتاتۋ باعىتىندا وپەك جانە وزگە ەلدەردىڭ جوسپارىنا قوسىلۋعا كەلىستى. كەيىننەن بۇل جوسپاردىڭ كۇشى تاعى توعىز ايعا، ياعني 2018 -جىلدىڭ ناۋرىزىنا دەيىن ۇزارتىلدى. ۇلتتىق ەنەرگەتيكالىق باياندامادا اتاپ كورسەتىلگەندەي، ۇزاق مەرزىمدى بولجامعا سايكەس، قازاقستاندا مۇناي ءوندىرۋ مولشەرى ارتادى دەپ كۇتىلۋدە جانە ەلىمىز ت م د ەلدەرىندە مۇناي ەكسپورتى كولەمى بويىنشا ەكىنشى ورىندى ساقتاپ قالادى.
اۆتور: رۋسلان عابباسوۆ
