ۇلتتىق بانك تەڭگە باعامىنىڭ السىرەۋىنە قاتىستى تۇسىنىك بەردى
دەپ حابارلايدى ق ر ۇلتتىق بانكتىڭ باسپا ءسوز قىزمەتى.
تەڭگەنىڭ ەركىن وزگەرمەلى باعامى جانە ۇلتتىق بانكتىڭ ۆاليۋتالىق ساۋدا- ساتتىققا قاتىسۋىن بارىنشا ازايتۋ جاعدايلارىندا مۇنداي جاعداي باعامنىڭ اۆتوماتتى تۇردە السىرەۋىنە اكەلەدى. ۇلتتىق ۆاليۋتانىڭ ورتا مەرزىمدى پەرسپەكتيۆاداعى باعامىن ايقىندايتىن تۇراقتى ىرگەلى فاكتورلاردىڭ اياسىندا (ساۋدا ارىپتەس ەلدەردەگى مۇناي باعاسى جانە ۆاليۋتا باعامدارى) جەكەلەگەن ساراپشىلاردىڭ مالىمدەمەلەرىمەن ۋشىققان ديەۆالۆاتسيالىق كۇتۋلەر تەرىس اسەرىن تيگىزدى.
ۇلتتىق بانك شەتەل ۆاليۋتاسىنىڭ جەتكىلىكتى ۇسىنىسى بولماعان جاعدايدا ونى ساتۋشى بولدى. تامىزدا ۇلتتىق بانكتىڭ نەتتو- وكتەمدىكتەرىنىڭ كولەمى 70 ميلليون ا ق ش دوللارىن قۇرادى.
سونداي- اق قىركۇيەكتىڭ ءبىرىنشى اپتاسىندا ۇلتتىق بانك شەتەل ۆاليۋتاسىن ساتۋ جونىندە وكتەمدىك جۇرگىزدى. اي قورىتىندىسى بويىنشا دەرەكتەر قازاننىڭ باسىندا جاريالانادى. 5-6 - قىركۇيەكتە احۋال تۇراقتاندى.
ۇلتتىق بانكتىڭ پىكىرىنشە، ەگەر مۇناي باعاسى ءبىر باررەل ءۇشىن 50 ا ق ش دوللارىنان تومەندەمەسە، ال رەسەي رۋبلىنىڭ باعامى ءبىر ا ق ش دوللارى ءۇشىن 59-60 رۋبلدەن اسپاسا، تەڭگەنىڭ ا ق ش دوللارىنا قاتىستى باعامى اعىمداعى دەڭگەيدە ساقتالادى.
سونىمەن بىرگە ايىرباستاۋ باعامىنىڭ اعىمداعى دەڭگەيى رۋبلگە قاتىستى جەتكىلىكتى باعالانباي وتىر، بۇل ونى تۇزەتۋ ءۇشىن العىشارتتار جاسايدى.
