سوتتاعىلار سەرىك احمەتوۆتىڭ قالايشا بوستاندىققا ەرتە شىعاتىنىن ءتۇسىندىرىپ بەردى
باس پروكۋراتۋرا مەرزىمىنەن بۇرىن بوستاندىققا شىعاتىن سەرىك احمەتوۆتىڭ قانداي شەكتەۋلەرى بار ەكەنىن اتادى باس پروكۋراتۋرا مەرزىمىنەن بۇرىن بوستاندىققا شىعاتىن سەرىك احمەتوۆتىڭ قانداي شەكتەۋلەرى بار ەكەنىن اتادى.
قازاقستاننىڭ ەكس- پرەمەر- ءمينيسترى سەرىك احمەتوۆتىڭ وتەلمەگەن جازاسى بوستاندىعىن شەكتەۋ تۇرىندەگى جازاعا اۋىستىرىلدى، - دەپ حابارلايدى Tengrinews.kz ءتىلشىسى قاراعاندى وبلىستىق سوتىنىڭ باسپا ءسوز قىزمەتىنە سىلتەمە جاساپ.
سوتتىڭ قاۋلىسى 2017 -جىلدىڭ 21 -قىركۇيەگىندە كۇشىنە ەنەدى. سەرىك احمەتوۆ كولونيادا ەكى جىلعا جۋىق ۋاقىت بولدى. وتەلمەگەن جازاسى - 4 جىل 26 كۇن - وعان بوستاندىعىن شەكتەۋ تۇرىنە اۋىستىرىلدى.
بۇل ەكس-شەنەۋنىك بوستاندىققا شىعادى، ءبىراق قالادان شىعا المايدى دەگەن ءسوز. سوتتىڭ سايتىنداعى مالىمەتكە قاراعاندا، قاراعاندى وبلىسى اباي اۋداندىق سوتى سوتتالعان سەرىك احمەتوۆتىڭ جازانىڭ وتەلمەگەن قالعان بولىگىن بوستاندىعىن شەكتەۋ تۇرىنە اۋىستىرۋ تۋرالى ءوتىنىشىن قاناعاتتاندىرعان.
قازاقستان رەسپۋبليكاسىنىڭ قىلمىستىق كودەكسىنىڭ 73-بابى بويىنشا (جاڭا رەداكسيا)، جازا مەرزىمىنىڭ ۇشتەن ءبىر بولىگىن وتەگەنىنەن كەيىن، قىلمىسپەن كەلگەن شىعىندى تولىقتاي وتەگەن جاعدايدا، قالعان وتەلمەگەن مەرزىمدى سوت جازانىڭ جەڭىل تۇرىنە اۋىستىرا الادى. «شەشىم شىعارعان كەزدە سوت پروكۋرور مەن قىلمىستىق- اتقارۋ ورگانى اكىمشىلىگىنىڭ ۇستانىمىن ەسەپكە الدى. بوستاندىقتان ايىرۋ ورىندارىندا بولعان ۋاقىتىندا احمەتوۆ جاقسى تارتىبىمەن كوزگە ءتۇستى. ول ىشكى ءتارتىپتىڭ بارلىق ەرەجەسىن ۇستاندى، كولونيانىڭ قوعامدىق جۇمىستارىنا بەلسەندى ارالاستى، ءبىرقاتار ماداقتاۋعا يە بولدى. سونىمەن قاتار، احمەتوۆ قىلمىس كەزىندە كەلتىرگەن شىعىنىن مەملەكەتكە وتەپ بەردى. وسى ايتىلعانداردى نەگىزگە الا وتىرىپ سوت جازانىڭ وتەلمەگەن بولىگىن پروباتسيالىق باقىلاۋداعى بوستاندىعىن شەكتەۋ تۇرىندەگى جەڭىل جازاعا وزگەرتتى»، - دەلىنگەن سوتتىڭ حابارلاماسىندا.
ەسكە سالايىق، سەرىك احمەتوۆ 2014 -جىلدىڭ قاراسىندا ءۇي قاماۋىنا الىنعان بولاتىن. سوت وتىرىسى 2015 -جىلدىڭ تامىزىندا باستالىپ، ءتورت ايعا جالعاستى. قىلمىستىق ءىس 338 تومعا جەتتى، ونىڭ 9 تومى ايىپتاۋ اكتىسى. جالپى 82 سوت وتىرىسى ءوتتى. ءىس بويىنشا 260 كۋاگەردەن جاۋاپ الىندى. پروتسەسسكە 4 مەملەكەتتىك ايىپتاۋشى جانە 42 ادۆوكات پەن قورعاۋشى قاتىستى. قازىرگى زاڭناماعا سايكەس، سوتتىڭ ءادىل ءوتۋى ءۇشىن وتىرىستىڭ اشىق ساياساتىن ۇستانۋ بويىنشا سايكەس شارالار جۇرگىزىلدى. ال 2015 -جىلدىڭ جەلتوقسانىندا سوت ونى 10 جىلعا باس بوستاندىعىنان ايىرعان بولاتىن. كەلگەن شىعىندى وتەگەننەن كەيىن ونىڭ جازاسى 8 جىلعا قىسقارعان.
