11:32, 07 - قىركۇيەك 2017 | GMT +5
جانكۇيەرلەر تۆۋماسيدىڭ «سەلتيككە» سالعان دوبىن تامىز ايىنداعى ۇزدىك گول دەپ اتادى - كەسكىن
استانا. قازاقپارات - «استانا» فۋتبول كلۋبىنىڭ ۆكونتاكتەدەگى رەسمي توبىندا تامىز ايىنداعى ۇزدىك گولدى انىقتاۋ بويىنشا داۋىس بەرۋ وتكىزىلدى، دەپ حابارلايدى «قازاقپارات» ح ا ا ءتىلشىسى ف ك سايتىنا سىلتەمە جاساپ.
جازدىڭ سوڭعى ايىندا استانالىقتار 8 گول سوقتى، الايدا ولاردىڭ ەكەۋى قارسىلاس كوماندا فۋتبولشىلارىنىڭ ەسەبىنە جازىلدى.
داۋىس بەرگەن 4500 ادامنىڭ 36 پايىزى ءوز داۋىستارىن شوتلانديالىق «سەلتيك» قاقپاسىنا گول سوققان پاتريك تۆۋماسيگە بەرگەن.
ەكىنشى ورىندا شوتلانديانىڭ بىرنەشە دۇركىن چەمپيونىنىڭ قاقپاسىنا گول سوققان قازاقستان قۇراماسىنىڭ جارتىلاي قورعاۋشىسى سەرىكجان مۇجىقوۆ بولدى. ال، ءۇشىنشى ورىنعا تۆۋماسيدىڭ چەمپيوندار ليگاسىنىڭ پلەي-وففىندا سوققان تاعى ءبىر گولى يە بولدى. بۇل جولى «استانا» فورۆاردى دميتري شومكونىڭ قاپتالدان سوققان دوبىن باسىمەن ۇرىپ، قاقپاشىنى جەڭدى. داۋىس بەرۋگە بارلىعى 4574 ادام قاتىستى.
