امەريكالىق تانىمال ينتەرنەت-ارناسى قانات يسلامنىڭ استاناداعى ايقاسىن ونلاين كورسەتەدى
بۇل تۋرالى باسپا ءسوز ءماسليحاتى بارىسىنا قانات يسلامنىڭ باپكەرى كىشى نەلسون دجۋنيور ءمالىم ەتتى، دەپ حابارلايدى «قازاقپارات» ح ا ا ءتىلشىسى.
«قانات يسلام مەن برەندون كۋك كەزدەسەدى دەگەن اقپارات تاراعاننان كەيىن امەريكادان قوڭىراۋلار تۇسە باستادى. بۇل كەزدەسۋدى امەريكادا كورسەتۋ تۋرالى سۇرانىستار كەلدى. وسىلايشا، ولاردىڭ تىلەكتەرى بويىنشا بۇل ايقاستار تانىمال «Fite.tv» ينتەرنەت- كانالىندا كورسەتىلەتىن بولدى. سونىمەن قاتار، TVtibi جانە Flipps قوسىمشاسىنىڭ مىڭداعان قولدانۋشىسى جەكپە- جەكتەردى تاماشالاي الادى»، - دەيدى قاناتتىڭ باپكەرى.
ەسكە سالا كەتسەك، 9 -قىركۇيەكتە ەلورداداعى «سارىارقا» ۆەلوترەگىندە كاسىپقوي بوكس كەشى ۇيىمداستىرىلادى. سول كۇنى قانات يسلام مەن كانادالىق برەندون كۋكتىڭ كوپتەن كۇتكەن ايقاسى وتكىزىلمەك.
كەشتىڭ اندەركارتىندا جاڭقوشتۇراروۆ، جانىبەك ءالىمحان ۇلى، مەيىرىم نۇرسۇلتانوۆ، رۋسلان مىرساتايەۆ، ءالي احمەدوۆ، ايدوس ەربوسىن ۇلى، ديماش نيازوۆ پە رۋسلان جانابايەۆ شارشى الاڭعا شىعادى. بۇگىندە قازاقستاندىق بارلىق بوكسشىلاردىڭ قارسىلاستارى بەلگىلى.
