قوستاناي وبلىسىندا دارىگەرلەر جەتكىلىكسىز

قوستاناي. قازاقپارات - قوستاناي وبلىسى اۋرۋحانالارىندا دارىگەرلەر تاپشىلىعى مەن وزىق قوندىرعىلاردىڭ جەتىسپەۋى بايقالادى. بۇل تۋرالى وبلىس اكىمى ارحيمەد مۇحامبەتوۆتىڭ قاتىسۋىمەن وتكەن كەڭەيتىلگەن جيىندا ءمالىم بولدى، دەپ حابارلايدى قازاقپارات.

قازىرگى ۋاقىتتا وبلىستا مەديتسينا سالاسى بويىنشا 318 بوس ورىن بار. اسىرەسە، اكۋشەر- گينەكولوگ، پەدياترلار، نەوناتولوگ، رەانيماتولوگ جانە انەستەزيولوگ ماماندار جەتىسپەيدى.

 وبلىس قالالارى مەن اۋداندارىندا وتكەن بوس ورىندار جارمەڭكەسىندە 128 جاس مامانمەن كەلىسىم- شارت جاسالدى.

«؟وڭىر دارىگەرلەرىنىڭ 35 پايىزى - زەينەت جاسىنداعىلار. دارىگەرلەردىڭ ورتا جاسى - 45-50. سوندىقتان ايماققا اق حالاتتىلاردى تارتۋ ماسەلەسىنە دەن قويدىق»، - دەدى دەنساۋلىق ساقتاۋ باسقارماسى باسشىسى ەركىن دۇتبايەۆ.

بايانداماشىنىڭ مالىمەتىنە سەنسەك، جىل اياعىنا دەيىن 170 جاس مامان كەلەدى، ال 2018 -جىلى تاعى 150 مامان قوسىلادى.

 ارحيمەد مۇحامبەتوۆ انا مەن بالا ءولىمى بويىنشا ايماقتاعى احۋالدى قاتاڭ قاداعالاۋعا الۋ كەرەكتىگىن قاتاڭ تاپسىردى. اۋرۋحانالار مەن ەمحانالاردى سوڭعى ۇلگىدەگى وزىق تەحنولوگيالارمەن جابدىقتاۋ ءۇشىن وبلىس بيۋدجەتىنەن 2018 -جىلى 200 ميلليون تەڭگە باعىتتالماق.

باتىر جولاي ۇلى