دۇنيەجۇزىلىك بوكس كەڭەسى گولوۆكين-الۆارەس جەكپە-جەگىنە تىگىلگەن بەلدىكتى تانىستىردى
ارنايى بەلدىككە 16 -قىركۇيەك دەگەن جازۋ ويىلىپ جازىلعان، سونداي-اق ەكى جاعىندا قازاقستان جانە مەكسيكا ەلىنىڭ مەملەكەتتىك تۋى بەينەلەنگەن.
ايتا كەتەيىك، WBC ۇيىمى بۇعان دەيىنگى ۇلكەن جەكپە-جەكتەرگە دە ارنايى بەلدىكتەر دايىنداعان. وعان مىسال رەتىندە ماكگرەگور- مەيۆەزەر ايقاسىنا ازىرلەنگەن ءبىر جارىم كەلى 24 قاراتتى التىن، سونداي-اق 3360 گاۋھار تاس، 600 جاقۇت جانە 160 زۇمىرەت تاس قولدانىلعان «باعالى بەلبەۋدى» ايتۋعا بولادى. ال وسى جىلدىڭ 3 -مامىرىندا الۆارەس پەن ونىڭ وتانداسى كىشى چاۆەس اراسىنداعى ايقاسقا ارنايى دايىندالعان بەلدىكتە قازاقستان تۋى العاش رەت ۇيىمعا مۇشە ەل رەتىندە بەينەلەندى.
ەسكە سالا كەتەيىك، الۆارەس گولوۆكينمەن بولاتىن جەكپە- جەگىندە WBC بەلدىگىنە تالاسۋدان باس تارتقان بولاتىن. وعان سەبەپ، 2015 -جىلى قاراشا ايىندا ساۋل الۆارەس كۋبالىق ميگەل كوتتودان ورتا سالماقتاعى WBC تيتۋلىن جەڭىپ الدى. جەكپە-جەكتەن كەيىن دۇنيەجۇزىلىك بوكس كەڭەسى (WBC) الۆارەسكە مىندەتتى قارسىلاس رەتىندە قازاقستاندىق گەنناديي گولوۆكيندى بەلگىلەدى. قورتىندىسىندا، الۆارەس تيتۋلدان باس تارتقان بولاتىن.
