ماسكەۋ ماڭىنداعى مەكتەپتە وقۋشى وق اتىپ، جاساندى جارىلعىشتى ىسكە قوسقان
وقۋشى ۇستالدى، باستاپقى مالىمەت بويىنشا شابۋىلدان ءتورت ادام زارداپ شەككەن. ءبىرى مۇعالىم، قالعانى وقۋشىلار، دەپ حابارلايدى قازاقپارات رەسەيلىك ب ا ق- قا سىلتەمە جاساي وتىرىپ .
شابۋىل جاساعان كۇدىكتىنىڭ اتى ميحايل، ونىڭ جاسى 15-تە.
اتى-ءجونىن ايتۋدان باس تارتقان وقۋشى قىزدىڭ ءبىرى RT تەلەارناسىنا، كۇدىكتىنىڭ تۇيىق ادام ەكەندىگىن ءمالىم ەتكەن. ونىڭ ايتۋىنشا، «جاسوسپىرىممەن ارالاسقان قۇربىلارى وقۋشى شابۋىل جاساۋدى كوزدەپ جۇرگەنىن ايتقانىمەن وعان ەشكىم سەنبەگەن».
تاسس اگەنتتىگىنىڭ دەرەك كوزىنە قاراعاندا، قۇقىق قورعاۋشى ورگاندار توعىزىنشى سىنىپ وقۋشىسى «5 -قىركۇيەكتە شابۋىل جاساۋدى كوپتەن بەرى جوسپارلاعان» دەپ ءمالىم ەتكەن.
شابۋىلدىڭ قالاي بولعانى ازىرگە ناقتى بەلگىسىز، وقىس وقيعا تۋرالى اقپاراتتى ب ا ق جەرگىلىكتى ۋاقىتپەن ساعات 11:00-دە تاراتا باستاعان. يۆانتەيەۆكا قالاسىنىڭ باسشىسى ەلەنا كوۆاليوۆا مەكتەپتە «تەراكت جاسالماعاندىعىن» ءمالىم ەتە وتىرىپ، وقۋشى ۇستازىمەن كيكىلجىڭگە بارىپ، شەكتەن شىعىپ كەتكەندىگىن حابارلاعان.
ر ب ك اگەنتتىگىنىڭ ت ج م- داعى دەرەككوزىنە سەنسەك، كەمىندە ءتورت ادام زارداپ شەككەن. ماتەماتيكا جانە ينفورماتيكا مۇعاليماسى ليۋبوۆ كالمىكوۆا (39 جاس) باسىنان جاراقات العان (اۋىر پىشاقپەن سوققى جاسالعان)، 17 جاستاعى م. ۆيكتوريا توبىعىن شىعارىپ العان، 16 جاستاعى ب. ۆياچەسلاۆ - ەكى يىعىن سىنعان، س. اليونانىڭ بەلى زارداپ شەككەن.
ولاردىڭ بارلىعى اۋرۋحاناعا جەتكىزىلگەن، مۇعاليما جانساقتاۋ بولىمىندە جاتىر.
مەكتەپ اكىمشىلىگىنىڭ مالىمدەۋىنشە، عيماراتتاعىلار ەۆاكۋاتسيالانعان. مەكەمەدەن 300 ادام سىرتقا شىعارىلعان.
پوليتسيا مىلتىق اتىپ، جارىلعىش زاتتاردى جارعان جاس ءوسپىرىمدى ۇستاپ، پوليتسيا بولىمىنە جەتكىزدى. رەسەيدىڭ تەرگەۋ كوميتەتى ونىڭ ۇستىنەن بۇزاقىلىق بابىنىڭ جارىلعىش زاتتار قولدانۋى بويىنشا قىلمىستىق ءىس قوزعادى، بۇل باپتا 5-8 جىل باس بوستاندىعىنان ايىرۋ قاراستىرىلعان.
مەكتەپ جابىلدى، بالالار ۇيلەرىنە قايتارىلدى. ساباق 6 -قىركۇيەكتە باستالۋى مۇمكىن. ال، مەكتەپتى كۇزەتەتىن فيرمامەن كەلىسىمشارت بۇزىلدى. تەرگەۋشىلەر مەكتەپتى جانە ونىڭ باسشىلىعىن تەكسەرۋگە كىرىستى.
