سۋ استىندا قالعان ەجەلگى ريمدىك قالا تابىلدى
زەرتتەۋشىلەر ەجەلگى قالانىڭ كوشەلەرىن، ەسكەرتكىشتەرىن، سونداي- اق گارۋم بالىق تۇزدىعىن ساقتاۋعا ارنالعان ىدىستاردى تاپقان، دەپ حابارلايدى ScienceAlert.
قالا ۇيىندىلەرى 20 گەكتار اۋماقتى الىپ جاتىر. ولار تۋنيستىڭ سولتۇستىك- شىعىسىنداعى نابۋل ماڭىندا. نەاپوليس ءبىزدىڭ زامانىمىزعا دەيىنگى بەسىنشى عاسىردا نەگىزى قالانعان قالا. ونىڭ اتى گرەك تىلىنەن اۋدارعاندا «جاڭا قالا» دەگەندى بىلدىرەدى. تاريحشىلار قالانىڭ ءبىر بولىگى ەكى رەت قايتالانعان ەڭ جوعارى - 8 بالدىق ماگنيتۋدالى جەر سىلكىنىسى كەزىندە جەر بەتىنەن جويىلىپ كەتتى دەپ ەسەپتەيدى. ءزىلزالا سالدارىنان كريت ارالىنىڭ كەيبىر بولىكتەرى 10 مەترگە جىلجىعان. سۋعا باتىپ كەتكەن ۇيىندىلەردى ىزدەۋ جۇمىستارى 2010 -جىلدان باستاپ جۇرگىزىلۋدە. ەكسپەديتسيا جەتەكشىسى مۋنير فانتاردىڭ سوزىنە قاراعاندا، نەاپوليس - گارۋم جانە تۇزدالعان بالىق وندىرۋمەن تانىلعان، ەجەلگى ءريمنىڭ ساۋدا ورتالىقتارىنىڭ ءبىرى.
