ساعىنتايەۆ حالىقارالىق ءال- اۋقات قورلارى فورۋمىنا قاتىستى
شارا قاتىسۋشىلارىنا سالەمىن جولداعان باقىتجان ساعىنتايەۆ ورتالىق ازيالىق ايماقتا العاش رەت ءوتىپ وتىرعان IFSWF فورۋمىنىڭ ماڭىزدىلىعىن اتاپ ءوتتى. «بۇل ءبىز ءۇشىن ۇلكەن ابىروي ءارى ۇلكەن جاۋاپكەرشىلىك. قازاقستان ۇكىمەتى ءبىزدىڭ بۇل وتىرىسىمىز تاۋەلسىز قورلار ءۇشىن ەڭ وزەكتى كۇن ءتارتىبىن مۇقيات قاراستىرىپ، جاڭا سىن- تەگەۋرىندەر مەن مىندەتتەرگە ساي كەلەتىن ءىس- ارەكەتتەر جوسپارىن ازىرلەيدى دەگەن سەنىمدە»، - دەدى ق ر پرەمەر- ءمينيسترى.
باقىتجان ساعىنتايەۆتىڭ ايتۋىنشا، سوڭعى بىرنەشە جىلدا قارجى نارىقتارىندا ىرگەلى وزگەرىستەر ورىن الدى. «ءبىز سيفرلىق يننوۆاتسيالاردىڭ جان- جاقتى ەنگىزىلىپ جاتقانىن كورىپ وتىرمىز. تەحنولوگيالىق پروگرەسس ينۆەستيتسيالاۋ ءۇشىن جاڭا مۇمكىندىكتەر اشادى. سونىمەن قوسا، جاڭا الەمدىك ەكونوميكالىق شىنايىلىق ءبىزدىڭ الدىمىزعا جاڭا قاتەرلەر ءتوندىرىپ وتىر. الەمدىك ءوسىمنىڭ باياۋلاۋى مەن قور نارىقتارىنىڭ قۇبىلمالىلىعى ءبىزدى ينۆەستيتسيالىق تابىستىلىقتى قامتاماسىز ەتۋدىڭ جاڭا شەشىمدەرىن ىزدەۋگە، ءبىزدىڭ مەنەدجمەنت ستراتەگيالارىمىزدى قايتا قاراۋعا، تيىمدىلىكتىڭ جاڭا تەتىكتەرى مەن كريتەرييلەرىن ەنگىزۋىمىزگە ماجبۇرلەيدى»، - دەپ اتاپ ءوتتى پرەمەر- مينيستر.
باقىتجان ساعىنتايەۆ ۇيلەسىمدى ءىس- قيمىلدار جاساۋ ءۇشىن كۇش- جىگەردى بىرىكتىرۋگە شاقىردى. «ءبىزدىڭ جاڭا ەكونوميكالىق شىنايىلىققا تەك وسىلاي عانا سايما- ساي جاۋاپ قاتا الاتىنىمىزعا سەنىمدىمىن»، - دەدى پرەمەر- مينيستر.
سونىمەن قاتار ول قازاقستاننىڭ ءوز تاجىريبەسىمەن بولىسۋگە ءازىر ەكەنىن ايتتى. «قازاقستان تاۋەلسىزدىك جىلدارى اۋقىمدى ىلگەرىلەۋگە بەت الدى. بۇل ءبىزدىڭ شىنايىلىقتاردى ەسكەرە وتىرىپ، ەڭ ۇزدىك الەمدىك تاجىريبەنى يكەمدى ءارى جۇيەلى ەنگىزۋدىڭ ناتيجەسىندە مۇمكىن بولدى»، - دەدى باقىتجان ساعىنتايەۆ. قازاقستاننىڭ ءوز ينۆەستورلارىنا ۇسىناتىن تارتىمدى ينۆەستيتسيالىق ستيمۋلدارى تۋرالى ايتا كەلىپ، باقىتجان ساعىنتايەۆ ينۆەستيتسيالاۋ ءۇشىن باسىمدىقتى سەكتورلاردى اتاپ ءوتتى. بۇلار - ماشينا جاساۋ، اوك، كولىك جانە لوگيستيكا، مۇناي حيمياسى، ىلگەرىلەمەلى تەحنولوگيالار سالاسى، تۋريزم جانە باسقا دا سالالار. سونىمەن قاتار ق ر پرەمەر- ءمينيسترى قازاقستان ۇكىمەتىنىڭ حالىقارالىق ينۆەستيتسيالىق قاۋىمداستىقپەن اشىق ديالوگ ورناتۋعا ءاردايىم دايىن ەكەنىن اتاپ ايتتى.
«ءبىزدىڭ مۇنداي ساياساتىمىزدى حالىقارالىق قاۋىمداستىق جوعارى باعالادى. ماسەلەن، دۇنيەجۇزىلىك بانكتىڭ بيزنەس جۇرگىزۋ ءۇشىن قولايلى جاعدايلار رەيتينگىندە قازاقستان ايماقتا ءبىرىنشى ورىن، ال الەمدە 35- ورىندى الدى. ءبىز ينۆەستورلار مەن ستراتەگيالىق سەرىكتەستەرىمىزگە قوش كەلدىڭدەر دەيمىز، ولاردى ودان ءارى تاجىريبە الماسۋعا جانە ءوزارا ءتيىمدى ىنتىماقتاستىققا شاقىرامىز. ءبىزدىڭ ءبارىمىزدىڭ جاڭا نارىقتار مەن باعىتتاردى ايقىنداۋ جولىنداعى ەڭبەگىمىز جەمىستى بولادى دەپ ۇمىتتەنەمىن»، - دەدى باقىتجان ساعىنتايەۆ.
وتىرىستىڭ اشىلۋ سالتاناتىنا «سامۇرىق قازىنا» ا ق باسقارما ءتوراعاسى ءومىرزاق شوكەيەۆ قاتىستى. ءوزىنىڭ كىرىسپە سوزىندە ول ەلوردا قوناقتارىنا قازاقستاننىڭ مادەني بىرلىگى مەن ەكونوميكالىق سەرپىنىنىڭ ايرىقشا تاريحى تۋرالى ايتىپ بەردى.
«قازىر ءبىز ۇدەمەلى تسيرفلاندىرۋ كەزەڭىنە اياق باستىق، ۇلتتىق كومپانيالارىمىزعا جاڭا تەحنولوگيالىق جەتىستىكتەردى ەنگىزۋدەمىز جانە سيفرلىق ەكونوميكانى دايىنداۋمەن اينالىسىپ جاتىرمىز. سوندىقتان جىل سايىنعى وتىرىستىڭ بيىلعى تاقىرىبى - «نارىقتاردىڭ جاڭا باعىتتارىن زەردەلەۋ» - اتالعان مۇمكىندىكتەر مەن تالپىنىستاردى تولىق ايقىندايدى»، - دەپ اتاپ ءوتتى ءومىرزاق شوكەيەۆ. ول وتىرىستىڭ كۇن ءتارتىبىنىڭ العاشقى بولىگى جاڭا نارىقتار مەن ينۆەستيتسيالار تۋرالى بىلىممەن الماسۋعا ارنالعانىن اتاپ ايتتى. كۇن ءتارتىبىنىڭ ەكىنشى بولىگى قازاقستاندى «سامۇرىق- قازىنا» ارقىلى باعدارلاۋعا مۇمكىندىك بەرەدى.
