ايەلىن ولتىرگەن امەريكالىق: ءتۇسىم ەكەن دەپ ويلادىم

 استانا. قازاقپارات - سولتۇستىك كارولينا تۇرعىنى تۇسىندە ايەلىن ءولتىرىپ جاتقانىن كورگەن.

الايدا ۇيقىسىنان ويانعان كەزدە مۇنىڭ ءتۇس ەمەس ەكەنىنە كوزى جەتتى، دەپ حابارلايدى Baq.kz اقپارات اگەنتتىگى شەتەلدىك ب ا ق- قا سىلتەمە جاساپ.

تاڭەرتەڭ ۇيقىسىنان ويانعان 28 جاستاعى ميۋتتيۋ فەلپس قاسىندا قيمىلسىز جاتقان ايەلىن كورىپ شوشىپ كەتەدى. بىردەن «911» قۇتقارۋ قىزمەتىنە قوڭىراۋ سوعىپ، وپەراتورعا تۇندە ايەلىن بىرەۋ پىشاقتاپ كەتكەنىن حابارلايدى. كەيىن ءوزىنىڭ ۇيىقتار الدىندا سۋىق تيۋگە قارسى ءدارى ىشكەنىن، جۇبايىن ءوزى دە ءولتىرىپ الۋى مۇمكىن ەكەنىن ايتقان.

«ايەلىمدى مەن ءولتىردىم دەپ ويلايمىن.. ., - دەگەن مەتتيۋ وپەراتورعا. - مەن ءبىر ءتۇس كوردىم، كەيىن جارىقتى قوسقانىمدا، جەردە ايەلىم ءولى كۇيىندە جاتىر.. . ءۇستى- باسىم قان، توسەكتە قانعا بويالعان پىشاق. مۇنىڭ ءبارىن مەن جاسادىم دەپ ويلايمىن. ءبىراق بۇعان سەنۋ وتە قيىن» .

وپەراتورعا ءبارىن تۇسىندىرگەننەن كەيىن فەلپس تەلەفون تۇتقاسىن قويماستان ەڭىرەپ جىلاعان كورىنەدى. مەتتيۋدىڭ وپەراتورمەن اڭگىمەسى 7 مينۋتقا سوزىلىپتى.

پوليتسيا 29 جاستاعى لورەن ەشلي نيكول فەلپستى ءولتىردى دەگەن كۇدىكپەن مەتتيۋدى قاماۋعا الدى.

مەتتيۋدىڭ ايتۋىنشا، ۇيىقتار الدىندا ول جوتەلگە قارسى Coricidin ءدارىسىن ىشكەن. الايدا پرەپارات ءوندىرۋشىسى دارىدەن ادام اگرەسسيۆتى بولادى دەگەن ايىپپەن كەلىسپەي وتىر. تەرگەۋ جالعاسۋدا.