ساتقىنداردىڭ ساۋساعىن شاۋىپ تاستايتىن قاتىگەز مافيا تۋرالى نە بىلەمىز؟
بۇل تۋرالى ru.oxu.az سايتى حابارلايدى.
ياكۋدزالاردىڭ ىشىندەگى ەڭ ءىرى توپ - ياماگۋتي- گۋمي. اتالمىش توپ الەمدەگى ەڭ باي قىلمىستىق توپ سانالادى. 2015-جىلى ونىڭ تابىسى 80 ميلليارد دوللاردان اسىپ جىعىلعان.
ياكۋدزالاردىڭ ءتۇپتامىرى قۇمار ويىنداردى ۇناتاتىن كىشىگىرىم ساۋداگەرلەردەن تاراعان. «ياكۋدزا» ءسوزى كارتا ويىنىنداعى ەڭ ءساتسىز كومبيناتسيانى بىلدىرەدى. مافياعا قاتىسى بارلارعا قوعام وسىنداي جاعىمسىز اتاۋ قويعان.
ياكۋدزالاردىڭ ءبىر ەرەكشەلىگى - دەنەسىنە تاتۋ سالدىرۋعا اۋەس بولاتىنىندا. ەكىنشى ەرەكشەلىگى - ءوز توبىنا ساتقىندىق جاساعان مافيوزيدىڭ ادەتتە ساۋساعىن شاۋىپ تاستايدى. ءار ولقىلىعى ءۇشىن ياكۋدزا ءبىر ساۋساعىنان ايىرىلىپ وتىرعان.
ەڭ سوراقىسى - كىنالى دەپ تابىلعان ياكۋدزا ساۋساعىن ءوزى كەسۋى ءتيىس. جاپونيادا ياكۋدزالاردىڭ 20 توبى بار. ولار جەزوكشەلىك، قۇمار ويىندار، ەسىرتكى، قارۋ-جاراق ساۋداسى مەن كونتراباندانى ءوز باقىلاۋىنا العان.
بيلىك مافيامەن كۇرەستە قالىس قالىپ جاتقانى سونشالىق، ءار ياكۋدزا توبىنىڭ شتاب-پاتەرى جاپونيا ۇلتتىق پوليتسيا اگەنتتىگىنىڭ سايتىندا ەركىن جاريالانىپ تۇر.
