استانادا حالىقارالىق دارەجەدە اقىندار ايتىسى وتەدى
جىر دوداسىنا ەلىمىزگە تانىمال ءارى شەتەلدەن كەلگەن 16 اقىن قاتىسادى، دەپ حابارلايدى «قازاقپارات» ح ا ا ءتىلشىسى.
حالىقارالىق دارەجەدەگى ايتىستى ق ر پرەزيدەنتى اكىمشىلىگى، ق ر مادەنيەت جانە سپورت مينيسترلىگى، «نۇر وتان» پارتياسى استانا قالالىق فيليالىنىڭ قولداۋ كورسەتۋىمەن حالىقارالىق «جاس- اي» مەديتسينالىق ورتالىعى ۇيىمداستىرادى.
ق ر مادەنيەت جانە سپورت مينيسترلىگىنىڭ باسپا ءسوز حاتشىسى نۇربول المانوۆتىڭ حابارلاۋىنشا، اقىندار ايتىسى ەكى كەزەڭ بويىنشا وتەدى. العاشقى ىرىكتەۋ كەزەڭىندە قۇرامى 7 مۇشەدەن تۇراتىن قازىلار القاسى اقىنداردىڭ ايتىستاعى ءسوز ساپتاۋىنا، ويىنىڭ ۇشقىرلىعىنا، ۇتىمدى ءسوز تابا الاتىنىنا قاراي وتىرىپ، 8-ايتىسكەردى انىقتايدى. ەكىنشى كەزەڭدە وسى 8 اقىن باس جۇلدەنى ساراپقا سالادى.
ءسوز دوداسىنا استانا مەن الماتى قالاسىنان، الماتى، جامبىل، ب ق و، ش ق و جانە سولتۇستىك قازاقستان وبلىستارىنان، سونداي- اق، ق ح ر، رەسەي فەدەراتسياسىنان كەلگەن اقىندار قاتىسادى.
اقىنداردىڭ جاسىنا شەكتەۋ قويىلمايدى. ءاربىر جۇپقا 15-20 مينۋتقا دەيىن ۋاقىت بولىنەدى. باس جۇلدەگە شەتەل اۆتوكولىگى تىگىلىپ وتىر. جۇلدەلى ورىندارمەن بىرگە ءتورت اقىنعا ىنتالاندىرۋ سىيلىعى بەرىلىپ، ءبىر اقىنعا «اكادەميك جاسان زەكەي ۇلى اتىنداعى ارنايى جۇلدە» تاپسىرىلادى.
اۆتور: ايان بەكەن ۇلى
