اۋەجايدا ءۇش قىزدى زاڭسىز شەتەل اسىرماق بولعان كۇدىكتىلەر ۇستالدى
بۇل تۋرالى قازاقپارات ءتىلشىسى حابارلادى.
الماتى جانە قىزىلوردا قالاسىنىڭ ەكى تۇرعىنى الدىن الا ءسوز بايلاسىپ، 36, 26 جانە 22 جاستاعى ازاماتشالاردىڭ سەنىمىنە كىرىپ، تابىسى جاقسى جۇمىسقا ورنالاستىراتىندىقتارىن ايتقان.
الايدا، ولاردىڭ سەنىمدەرىن تەرىس ماقساتتا پايدالانىپ، تۇركيا مەملەكەتىنە جەزوكشەلىكپەن اينالىسۋعا جىبەرمەك بولعان.
پوليتسيا قىزمەتكەرلەرى ولاردىڭ بۇل ارەكەتىن اشكەرەلەپ، جەدەل-ىزدەستىرۋ شارالارى بارىسىندا الماتى قالاسىنىڭ اۋەجايىنان ۇستادى. قازىرگى تاڭدا اتالعان دەرەك سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە قازاقستان رەسپۋبليكاسىنىڭ 128-بابى 3-بولىگىمەن (ادام ساۋداسى) تىركەلىپ، تەرگەۋ ارەكەتتەرى جۇرگىزىلۋدە.
كۇدىكتىلەر قىزىلوردا ق ءى ءى ب- ءنىڭ ۋاقىتشا ۇستاۋ اباقتىسىنا قامالدى.
ايتا كەتەيىك، 2017-جىلعى 25-27- تامىز ارالىعىندا قىزىلوردا وبلىسى اۋماعىندا ادام ساۋداسىنا بايلانىستى قىلمىستاردى اشۋ جانە ولاردىڭ جولىن كەسۋ، ەڭبەگىن قاناۋ ماقساتىندا ادامداردى ۇرلاۋ جانە باس بوستاندىعىنان ايىرۋ قىلمىستارىن انىقتاۋعا باعىتتالعان «Stop-ترافيك» جەدەل پروفيلاكتيكالىق شاراسى جۇرگىزىلدى.
ونىڭ بارىسىندا بەس قىلمىستىڭ بەتى اشىلىپ، قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكستىڭ 449-بابىمەن (قوعامدىق ورىندا ءتيىسۋ) كوزدەلگەن 31 اكىمشىلىك قۇقىق بۇزۋشىلىق انىقتالدى.
