تەمەكى تۇقىلىن جەرگە تاستاعان ازامات ءبىر كۇنگە قامالدى
باسپا ءسوز مالىمەتتەرىنە قاراعاندا لەسنوە اۋىلىنىڭ تۇرعىنى زەلەنايا كوشەسىندە تەمەكى تۇقىلىن جەرگە تاستاپ، قورشاعان ورتانى لاستاعان. جەلەزين اۋداندىق سوتى وعان ق ر اكىمشىلىك قۇقىق بۇزۋشىلىق كودەكسىنىڭ 1-بابى، 434-بولىمىنە ساي (قورشاعان ورتانى لاستاۋ، كوممۋنالدى قالدىقتاردى سىرتقا تاستاۋ) اكىمشىلىك ءىس قوزعادى. ول ءبىر كۇنگە قاماۋعا الىندى. ۇكىم زاڭدى كۇشىنە ەنگەن جوق»، - دەدى باسپا ءسوز قىزمەتىندەگىلەر.
ايتا كەتەيىك، جەلەزين اۋدانىندا تاعى ءبىر ازامات وسىنداي زاڭبۇزۋشىلىق بويىنشا جاۋاپقا تارتىلعان. مىڭكول اۋىلىنىڭ تۇرعىنى پۋشكين كوشەسىندە كەتىپ بارا جاتىپ، ماس كۇيدە شۋ شىعارىپ، قورشاعان ورتانىڭ تىنىشتىعىن بۇزعان. ايەل ادام ءوز كىناسىن تولىق مويىندادى. ناتيجەسىندە بۇل قىلىعى ءۇشىن 30 پايىز جەڭىلدىكپەن 15883 تەڭگە ايىپپۇل تولەۋگە مىندەتتەلدى. ۇكىم زاڭدى كۇشىنە ەنگەن جوق.
